پاکستان خوردنی تیل درآمد رنے والا دنیا کا تیسرا بڑا ملک ہے ، سالانہ 2.6 ملین ٹن خام اور ریفائن خوردنی تیل درآمد کرتا ہے

اتوار 22 جنوری 2017 10:50

اسلام آباد ۔ (اُردو پوائنٹ اخبارتازہ ترین - اے پی پی۔ 22 جنوری2017ء) پاکستان خوردنی تیل درآمد رنے والا دنیا کا تیسرا بڑا ملک ہے جو سالانہ 2.6 ملین ٹن خام اور ریفائن خوردنی تیل درآمد کرتا ہے۔ ویسٹ بری گروپ پاکستان کے چیف ایگزیکٹو آفیسر رشیدہ جان محمد نے کہا ہے کہ خوردنی تیل کے علاوہ پاکستان تیل دار اجناس کی 2.2 ملین ٹن سالانہ درآمدات کرتا ہے تاکہ ملکی ضروریات کو پورا کا جاسکے۔

(جاری ہے)

انہوں نے کہا کہ خوردنی تیل کی مقامی ضروریات کیلئے 75 فیصد درآمدات پر انحصار کیا جاتا ہے جبکہ صرف 25 فیصد خوردنی تیل ملکی وسائل سے حاصل کیا جارہا ہے۔ انہوں نے کہا کہ خوردنی تیل کی درآمدات میں کمی کے لئے ملکی پیداوار کے فروغ کے حوالے سے جامع اقدامات کی ضرورت ہے جس سے قیمتی زرمبادلہ کی بچت ہو گی۔ انہوں نے کہا کہ خوردنی تیل اور تیل دار اجناس کی درآمد پر عائد ٹکیسز کی شرح میں کمی سے صارفین کو سستے خوردنی تیل کی فراہمی کو بھی یقینی بنایا جا سکتا ہے۔