وفاقی وزیر خزانہ سینیٹر محمد اسحاق ڈار سے وزیراعظم آزاد کشمیر راجہ فاروق حیدر خان کی ملاقات

ہفتہ 21 جنوری 2017 22:48

اسلام آباد ۔ (اُردو پوائنٹ اخبارتازہ ترین - اے پی پی۔ 21 جنوری2017ء) وزیراعظم آزاد کشمیر راجہ فاروق حیدر خان نے ہفتہ کو یہاں وفاقی وزیر خزانہ سینیٹر محمد اسحاق ڈار سے ملاقات کی۔ ملاقات کے دوران ترقیاتی منصوبوں اور آزاد جموں و کشمیر میں مجموعی مالی صورتحال کے امور پر تبادلہ خیال کیا۔

(جاری ہے)

وزیراعظم آزاد کشمیر نے وزیر خزانہ کو آزاد جموں و کشمیر حکومت کی ترقیاتی ترجیحات اور منصوبوں کے حوالے سے آگاہ کیا۔

انہوں نے غیرملکی فنڈ سے ملک کے چاروں صوبوں میں شروع کئے جانے والے منصوبوں میں آزاد جموں و کشمیر کو شامل کرنے کی ضرورت پر بھی زور دیا۔ وزیر خزانہ نے وزیراعظم آزاد جموں و کشمیر کو یقین دہانی کرائی کہ وفاقی حکومت وزیراعظم محمد نواز شریف کے وژن کی روشنی میں علاقہ کی سماجی، اقتصادی ترقی کیلئے آزاد جموں و کشمیر کی حکومت کے ساتھ بھرپور تعاون جاری رکھے گی۔