ایف سی کے بلو چستا ن میں انسداد دہشت گردی آپریشن ، گزشتہ ہفتے 81مشتبہ افراد گرفتار کیے گئے،آئی ایس پی آر

ہفتہ 21 جنوری 2017 19:43

راولپنڈی (اُردو پوائنٹ اخبارتازہ ترین - آئی این پی۔ 21 جنوری2017ء) ایف سی نے بلوچستان میں انٹیلی جنس کی بنیاد پر کیے جانے والے انسداد دہشتگردی آپریشز کے دوران 81مشتبہ افراد کو گرفتار کرلیا ،آپریشن کے دوران بڑی تعدادمیں اسلحہ اورگولہ بارود بھی برآمد کرلیا گیا ۔ہفتہ کو پاک فوج کے شعبہ تعلقات عامہ (آئی ایس پی آر ) کے مطابق ایف سی نے ایک ہفتے کے دوران بلوچستان میں انٹیلی جنس کی بنیاد پر کیے جانے والے انسداد دہشتگردی آپریشز میں 81مشتبہ افراد کوگرفتارکرلیا۔

صرف کوئٹہ میں 32خفیہ آپریشن کئے گئے۔آئی ایس پی آر کے مطابق آپریشن کے دوران بڑی تعدادمیں اسلحہ اورگولہ بارود بھی برآمد کیاگیا،گرفتارکئے گئے افرادکاتعلق بلوچ ریپبلکن اوربلوچ لبریشن آرمی سے تھا۔

(جاری ہے)

کوئٹہ میں آپریشن سول سوسائٹی کے رضاکاروں کے اشتراک سے کیے گئے جبکہ کوئٹہ کے جنوبی زون میں سیکیورٹی فورسزانسداد دہشتگردی آپریشنز میں مصروف ہیں۔

آئی ایس پی آر کے مطابق علاقے میں استحکام لانے کیلئے بی آر اے اور بی ایل اے کے بڑی تعداد میں دہشتگردوں نے سیکورٹی فورسز کے سامنے خود کو سرنڈر کیا ۔دریں اثناء ایف سی اہلکار بلوچستان کے برفباری سے متاثرہ علاقوں میں لوگوں کی مدد کیلئے کاروائیو ں میں مصروف ہیں۔آئی جی ایف سی میجر جنرل ندیم انجم تمام کوششوں کی نگرانی اور ہدایت دے رہے ہیں۔