بلوچستان پاکستان کا مستقبل ہے اور وہاں کے حالات پہلے کے مقابلہ میں بہت بہتر ہیں، پی ٹی آئی کے سربراہ عمران خان ہنگامہ آرائی کی سیاست کو ترک کرکے ملک کی ترقی میں اپنا مثبت کردار ادا کریں، سی پیک منصوبہ سے بلوچستان کی تقدیر بدلے گی، مسلم لیگ (ن) نے چاروں صوبوں میں ہم آہنگی، سیاسی بصیرت کا شاندار مظاہرہ کیا
وزیر اعلی بلوچستان سردار نواب ثنا اللہ خان زہری کا پریس کانفرنس سے خطاب
ہفتہ 21 جنوری 2017 19:30
(جاری ہے)
وزیراعلیٰ بلوچستان نے کہا کہ آپ لوگوں کو بلوچستان کے حوالہ سے حقائق سے آگاہ کرنے آیا ہوں، مخلوط حکومت میں شامل جماعتوں کے نمائندے یہاں موجود ہیں۔انہوں نے کہا کہ وزیراعظم محمد نواز نوازشریف نے جلاوطنی میں اعلان کیا تھا کہ وہ اقدار کی سیاست کریں گے،ہم آہنگی اور یکجہتی پیداکرنے کے لیے وزیراعظم نے بلوچستان میں دوسری پارٹی کا وزیراعلیٰ بنوایا، وزیراعظم خیبر پختونخوا میں بھی پی ٹی آئی کو اکثریت کی بنا پر وہاں پر انہیں حکومت کرنے کا موقع دیا۔
مسلم لیگ (ن) نے چاروں صوبوں میں ہم آہنگی، سیاسی بصیرت کا شاندار مظاہرہ کیا، عوام نواز شریف کو بہادر لیڈر مانتے ہیں اور انہیں وفاق کی علامت سمجھتے ہیں، وزیراعظم نے بلوچستان سے مایوسی اور ناامیدی کا خاتمہ کیا، جب بھی ترقی کا عمل شروع ہوتا ہے تو سازشوں کا بھی آغاز ہوجاتا ہے۔ انہوں نے کہا کہ 2013ء کا بلوچستان سے آج کا بوچستان زیادہ پرامن اور بہتر ہے۔ انہوں نے کہا کہ سی پیک نے بلوچستان کے عوام کو نئی امنگ دی ہے، سی پیک منصوبہ سے بلوچستان کی تقدیر بدلے گی، جی سی سی میں بلوچستان کے بارہ منصوبوں کو شامل کیا گیا ہے اسی طرح وہاں پر ڈسپلے سنٹر بھی قائم کررہے ہیں، 650 میگاواٹ کا بجلی کا پلانٹ لگایا جارہا ہے، بلوچستان میں تعمیر و ترقی، روزگار، تعلیم و صحت جیسے ترقی ہو رہی ہے تاہم ایک شخص الزامات اور گالی گلوچ کی سیاست میں مصروف ہے، وہ ساڑھے تین سال سے جھوٹ کا کاروبار کرہا ہے لیکن ان کا یہ کاروبار اب زیادہ دیر نہیں چلے گا، عمران خان ساڑھے تین سال سے نوجوانوں میں بے یقینی اور بدامنی کی فضاء پھیلا رہے ہیں، ڈی چوک کے ناکام دھرنے کے حوالے سے عوام کا حافظہ کمزور نہیں ہوا، ان کی منفی اور عوام دشمن پالیسیوں سے لوگ انتہائی ناخوش ہیں، وہ غیر سنجیدہ سیاست سے باز آئیں، ان کے صوبہ کے عوام جہاں پر ان کی پارٹی کی حکومت ہے ان کے ڈراموں کی سیاست کو مسترد کرچکے ہیں۔ ایک سوال جواب میں وزیراعلیٰ بلوچستان کا کہنا تھا کہ 2013ء کے انتخابات کے بعد جس طرح ہم نے وہاں کے حالات ٹھیک کرائے، بلوچستان سے تمام ٹارگٹ کلنگ اور دہشت گردی کا خاتمہ کیا اور اب وہاں پر پرامن فضاء قائم ہورہی ہے۔ انہوں نے کہاکہ بلوچستان میں 70 سال سے ترقی نہیں ہو رہی تھی اور عوام میں بے چینی پھیلی ہوئی تھی، ہماری حکومت آنے کے بعد وہاں پر ترقی کا عمل شروع ہوچکا ہے، ایک اور سوال کے جواب میں انہوں نے کہا کہ ہم بلوچستان کے پسماندہ علاقوں کو ترقی کرتا دیکھنا چاہتے ہیں، ہم نے 25 ہزار آسامیاں پیدا کی ہیں۔ ایک سوال کے جوا ب میں وزیر اعلیٰ بلوچستان نے کہا کہ میرے دور حکومت میں کوئی میگا کرپشن سکینڈل نہیں آیا، ہم وہاں پر شفاف طریقے سے نظام کو چلا رہے ہیں۔ انہوں نے کہا کہ بلوچستان میں 2002ء سے 2011ء تک دہشت گردی کا سامنا رہا ہے لیکن اب بلوچستان کے حالات سازگار ہیں اور ہمارا ملک مزید دہشت گردی کا متحمل نہیں ہوسکتا۔ انہوں نے کہا کہ ہم نے بلوچستان کے ضلع خضدار میں سیمینار منعقد کرایا جس میں ہم نے ملک کے نامور صحافیوں کو مدعو کیا، خضدار وہ شہر تھا جہاں پر تین تین ماہ تک دکانیں بند رہتی تھیں، پہلے کوئٹہ سے گوادر تک جانے میں زیادہ وقت لگتا تھا آج سی پیک کی وجہ سے یہ سفر ہم آٹھ گھنٹے میں طے کرتے ہیں۔ انہوں نے کہا کہ بلوچستان پاکستان کا مستقبل ہے، ہماری خوش قسمتی ہے کہ اگر گوادر نہ ہوتا تو سی پیک بھی نہ ہوتا۔ سی پیک پورے ملک میں ترقی کے ثمرات لا رہا ہے۔ اس موقع پر صوبائی وزیر داخلہ سرفراز بگٹی نے کہا کہ ناراض بلوچوں کیلئے ڈائیلاگ کے دروازے کھلے ہیں، بہت سارے لوگ واپس آرہے ہیں۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.