وزیر اعظم محمد نوازشریف نے دفاعی اداروں کے ساتھ مل کر اہم فیصلے کئے جس کے ثمرات آج ہمیں مل رہے ہیں، سینیٹر چوہدری محمد جعفر اقبال
جمعہ 20 جنوری 2017 23:07
(جاری ہے)
ملک کی 50فیصد آبادی نوجوانوں پر مشتمل ہے جو بے روزگاری کے باعث پریشان ہیں مگر حکومتی اقدامات اور غیر ملکی سرمایہ کاری کی بدولت ملک میں نئی انڈسٹریز، ریلوے لائن، موٹر وئے بن رہی ہیں جس سے بے روزگاری کا خاتمہ ہو گا اور 2018ء سے قبل ملک سے لوڈشیڈنگ کا خاتمہ اور بجلی سستی فراہم کی جائے گی۔
ان خیالات کا اظہار انہوں نے رکن صوبائی اسمبلی پنجاب محمد عمر جعفر کے ہمراہ رحیم یار خان کی بستی گھچلہ میں سڑک کی افتتاحی تقریب سے خطاب کرتے ہوئے کیا۔انہوں نے کہاکہ مسلم لیگ(ن) کی محبتیں اور وسائل عوام کے لئے ہیں یہی وجہ ہے کہ موجودہ حکومت کی مقبولیت بعض جماعتوں کے سربراہان سے ہضم نہیں ہو رہی خیبر پختونخواہ میں تعلیم وصحت کا برا حال ہے مگر عمران خان وزیر اعظم بننے کے جنون میں مبتلا ہیں۔موجودہ حکومت دھاندلی کے الزامات سے بھی سرخرو ہو کر نکلی تھی اور اب جو الزامات لگ رہے ہیں اس سے بھی انشاء اللہ سرخروہو کر نکلیں گے۔انہوں نے کہا کہ علاقائی ترقی منتخب اراکین قومی و صوبائی اسمبلی کا فرض ہے اور ایم این اے میاں امتیا زاحمد اور ایم پی اے محمد عمر جعفر محنت و لگن سے اپنے حلقہ کی تعمیر و ترقی اور عوامی خوشحالی کے لئے شب و روز کوشاں ہیں۔انہوں نے یقین دہانی کرائی کے بستی گھچلہ، رحمت کالونی، رفیقاں آباداور بستی ہماں میں سوئی گیس اور بجلی کی فراہمی کے لئے ایم این اے میاں امتیا زاحمد کو سفارش کریں گے۔ایم پی اے محمد عمر جعفر نے کہا کہ شہری ترقی کے بعد اب اپنی تمام تر توجہ مضافاتی علاقوں اور کچی آبادیوں پر مرکوز کر دی ہے بستی گھچلہ کو سڑک کی فراہمی کا وعدہ پورا کر دیا اور اب جو اہلیان علاقہ کی جانب سے ٹف ٹائیل، سیوریج کے مطالبات کئے گئے ہیں اس کا جلد سروے کرایا جائے گا۔انہوں نے کہا کہ کچی آبادیوں کو بھی شہری علاقوں کی طرح یکساں ترقیاتی امور میں شامل کیا جائے گا اور ان علاقوں سے منتخب بلدیاتی نمائندوں کی مشاورت سے ترقی کا عمل تیزی سے آگے بٹھایا جائے گا۔انہوں نے چیئرمین یونین کونسل غلام رسول ببر، وائس چیئرمین اکمل خان ، کونسلر جام ادریس گھچل سمیت دیگر عمائدین علاقہ کی جانب سے بیان کئے گئے مسائل فوری حل کرانے کی یقین دہانی کرائی۔اس موقع پر ضلعی صدر مسلم لیگ(ن) میاں خالد شاہین، حاجی بقا محمد گھچل، جاوید خان دشتی ایڈووکیٹ، حافظ سعید خان ببر، مقصود احمد،محمد شاکر، غلام یٰسین، جلیل احمد، شبیر احمد ، چوہدری لیاقت سمیت عمائدین علاقہ کی کثیر تعداد موجود تھی۔متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.