اسلام آباد سی آئی اے پولیس کی کارروائی،ڈکیتی کے مقدمہ کو ٹریس کر کے چوری شدہ مال برآمدکر لیا

جمعہ 20 جنوری 2017 19:16

اسلام آباد(اُردو پوائنٹ اخبارتازہ ترین - این این آئی۔ 20 جنوری2017ء) اسلام آباد سی آئی اے پولیس نے کارروائی کرکے ڈکیتی کے مقدمہ کو ٹریس کر کے چوری شدہ مال برآمدکر لیا،برآمد شدہ مال مجاز عدالت کے حکم پر مالک کے حوالے کر دیا۔ایس ایس پی اسلام آباد ساجد کیانی نے پولیس ٹیم کو شاباش دی اورنقد انعامات اور تعریفی اسناد دینے کا اعلان کیاتفصیلات کے مطابق مدعی راجہ محمد یعقوب سکنہ مکان نمبر 29-Bگلی نمبر 32سیکٹر F-7/1اسلام آ باد کے گھر ڈکیتی کی واردات ہو ئی تھی جس پر تھا نہ کو ہسار پولیس نے مقدمہ نمبر106 مورخہ 02-03-2015بجرم395 ت پ درج کر کے تفتیش مقدمہ عمل میںلا ئی ۔

(جاری ہے)

مقدمہ کی تفتیش ایس ایس پی (آپریشنز)اسلام آباد نے سی آئی اے کے سپر د کر تے ہو ئے ملزمان کی گرفتار ی کا ٹا سک دیا ۔ ڈی ایس پی سی آئی اے بشیر احمد نون کی سربر اہی میں سلیمان شاہ اے ایس آئی معہ سکارڈنے ملزمان کو گرفتار کرکے ان کے قبضہ سے لو ٹا گیا ما ل مسروقہ بر آمد کیا ۔ جو آ ج مجاز عدالت کے حکم پر ڈی ایس پی سی آئی اے نے برآمد شدہ مال ان کے اصل مالک کے حوالے کر دیا ۔ایس ایس پی (آپریشنز)اسلام آباد ساجد کیانی نے سی آئی اے پولیس ٹیم کو ان کی بہترین کارکردگی پر شاباش دی اور ان کے لئے نقدانعامات اور تعریفی اسناد دینے کا اعلان کیا۔