وزیراعظم محمد نواز شریف نے دورہ سوئٹزرلینڈ کے دوران مؤثر انداز میں پاکستان کی معاشی طاقت کو اجاگر کیا، وزیراعظم نے متعدد عالمی رہنمائوں کے ساتھ مفید ملاقاتیں کیں اور ان کے ساتھ دوطرفہ دلچسپی کے امور پر بات چیت کی، وزیراعظم محمد نواز شریف کے دورہ سوئٹزرلینڈ کے حوالے سے رپورٹ
جمعہ 20 جنوری 2017 19:10
(جاری ہے)
وزیراعظم نے ایک عالمی ماحول کے قیام کی ضرورت پر بھی زور دیا جہاں عالمی معیشت کی بحالی اور بھرپور ترقی ہو۔ انہوں نے عالمی اقتصادی فورم میں اپنی شرکت کو بین الاقوامی مفکروں، پالیسی سازوں اور تاجر رہنمائوں کے ساتھ ملاقات کا موقع قرار دیا جو عوام کے مستقبل کی تشکیل کرتے ہیں۔
انہوں نے دنیا کی بڑی تاجر کمپنیوں کے رہنمائوں اور سرمایہ کاروں کو بتایا کہ پاکستان ایک معتدل اور روشن خیال ملک ہے۔ وزیراعظم نے متعدد عالمی رہنمائوں کے ساتھ مفید ملاقاتیں کیں اور ان کے ساتھ دوطرفہ دلچسپی کے امور پر بات چیت کی۔ ناروے کے وزیراعظم ارنا سولبرگ کے ساتھ ملاقات کے دوران وزیراعظم نے تجارت اور ترقی کے شعبہ میں تعاون کی نئے امکانات کا جائزہ لیا۔ دونوں رہنمائوں نے اپنے ممالک کے مفاد میں دوطرفہ تعلقات کو مزید مضبوط بنانے کے عزم کا اظہار کیا۔ سویڈن کے وزیراعظم سٹیفن ایل فیون کے ساتھ ملاقات کے دوران سرکاری اور عوامی سطح پر قریبی طور کام کرنے کا جائزہ لیا گیا۔ وزیراعظم نے سویڈن کے وزیراعظم کو مقبوضہ جموں و کشمیر کی صورتحال پر پاکستان کی تشویش اور بیگناہ کشمیریوں کی حالت زار سے آگاہ کیا۔ سوئس کنفیڈریشن کے صدر ڈورس لیوتھرڈ کے ساتھ ملاقات کے دوران وزیراعظم نے کہا کہ پاکستان مختلف شعبوں میں دوطرفہ شراکت داری میں اضافہ کا خواہاں ہے۔ انہوں نے نیوکلیئر سپلائرز گروپ کی رکنیت سے متعلق غیر امتیازی اپروچ کا بھی جائزہ لیا۔ اقوام متحدہ کے سیکرٹری جنرل انتونیو گٹریس کے ساتھ ملاقات کے دوران وزیراعظم نے کہا کہ کشمیر ایک عالمی تنازعہ ہے جو اقوام متحدہ کی سیکورٹی کونسل کے ایجنڈے میں شامل رہا۔ انہوں نے اقوام متحدہ کے سیکرٹری جنرل کو جموں و کشمیر سمیت تمام تصفیہ طلب مسائل کے حل کیلئے بھارت کے ساتھ مربوط مذاکراتی عمل کی ضرورت اور پاکستان کے مؤقف سے بھی آگاہ کیا۔ مسئلہ کشمیر کو اجاگر کرنے کے سلسلہ میں وزیراعظم کی کوششوں کے جواب میں اقوام متحدہ کے سیکرٹری جنرل نے یقین دلایا کہ وہ پاکستان سمیت علاقہ کے ممالک کیلئے انتہائی تعمیری اور مثبت کردار ادا کریں گے۔ معروف کمپنیوں کے سربراہوں کے ساتھ گول میز اجلاس کے دوران وزیراعظم نے انہیں پاکستان میں سرمایہ کاری کی دعوت کی پیشکش کی۔ جن معروف کمپنیوں کے چیف ایگزیکٹو نے وزیراعظم سے ملاقات کی ان میں چیف ایگزیکٹو آفیسر ایگزیکٹو منیجنگ ڈائریکٹر جاپان بینک فار انٹرنیشنل تادا شی مائدا، چیف ایگزیکٹو آفیسر اینڈ چیئرمین انگریڈی اون انکارپوریٹڈ یو ایس اے مادام ایلیی گورڈن، چیف ایگزیکٹو آفیسر کے او سی ہولڈنگ ترکی لیونٹ کاکی روگ لو، چیف ایگزیکٹو آفیسروصدر ٹیلی نار گروپ سگیو بریکی، ایگزیکٹو وائس پریذیڈنٹ نیسلے مادام وینگ لینگ، ہیڈ پبلک افیئرز نووا ریٹس اے جی سوئیٹزرلینڈ مادام پیٹرا لاکس اور گلوبل پارٹنرشپس سوئز ری مینجمنٹ لمیٹڈ برطانیہ، ویسٹرن یورپ کے چیئرمین مارٹین پارکر شامل تھے۔ وزیراعظم نواز شریف نے کہا کہ پاکستان میں خصوصی اقتصادی زونز موجود ہیں جو سرمایہ کاروں کو پلانٹ اور مشینری کی ڈیوٹی فری درآمد کی سہولت فراہم کرتے ہیں۔ ملنڈا گیٹس فائونڈیشن کے سربراہ بل گیٹس نے وزیراعظم نواز شریف سے ملاقات کے دوران گذشتہ تین سالوں میں پاکستان سے پولیو وائرس کے خاتمہ کی زبردست کامیابی کی تعریف کی۔ وزیراعظم نے انہیں پولیو کے مہلک وائرس کے خلاف قومی جدوجہد میں اپنی حکومت کے اقدامات سے آگاہ کیا۔ علی بابا گروپ کے چیئرمین جیک ما نے وزیراعظم سے ملاقات کے دوران پاکستان میں سرمایہ کاری میں گہری دلچسپی کا اظہار کیا اور آن لائن بزنس وینچر کے مزید فروغ کیلئے ای کامرس پلیٹ فارم کے قیام کیلئے تعاون کا اظہار کیا۔ انہوں نے کہا کہ ان کا ملک پاکستان میں سرمایہ کاری میں بڑی دلچسپی رکھتا ہے۔ وزیراعظم نے ورلڈ اکنامک فورم کے چیئرمین کلاز شواب سے بھی ملاقات کی اور انہیں بتایا کہ سیکورٹی اور توانائی کے شعبوں میں بہتری کے باعث بیرون ملک سے بزنس گروپ اب پاکستان میں سرمایہ کاری کا خواہاں ہے۔ کلاز شواب نے انفراسٹرکچر کے شعبہ میں پاکستان کی ترقی کی تعریف کی اور وسطی ایشیاء کے ساتھ علاقائی روابط کیلئے کو سراہا۔ وزیراعظم نے عالمی اقتصادی فورم کے موقع پر ومپل کوم گروپ کے چیف ایگزیکٹو آفیسر جین چارلی، پراکٹر اینڈ گیمبل کے چیف ایگزیکٹو آفیسر اور سٹینڈرڈ چارٹرڈ بینک کے چیف ایگزیکٹو آفیسر جوز وینالز سے بھی ملاقات کی۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.