حکومت امریکہ میں بے گناہ قید ڈاکٹرعافیہ صدیقی کی رہائی کے لئے امریکہ سے رابطہ کرے، اویس قاسم

نواز شریف نے عافیہ رہائی معاملے میں پوری قوم کو دھوکہ دیا۔عافیہ کی رہائی میں صرف ایک خط رکاوٹ ہیں،سیکرٹری اطلاعات جمعیت طلبہ

جمعہ 20 جنوری 2017 18:33

پشاور(اُردو پوائنٹ اخبارتازہ ترین - آن لائن۔ 20 جنوری2017ء) جمعیت طلبہ عربیہ خیبر پختون خواکے سیکرٹر ی اطلاعات اویس قاسم نے کہا ہے کہ حکومت پاکستان امریکہ میں قید بے گناہ عافیہ صدیقی کی رہائی کے لئے امریکہ سے رابطہ کرے۔نواز شریف نے الیکشن سے پہلے عوام عافیہ صدیقی کے رہائی کا مطالبہ کیا تھا۔لیکن الیکشن جیتنے کے بعد نواز شریف نے کئی بار امریکہ کا دورہ کیا اور امریکی رہنماوں سے بار بار ملاقاتیں کی۔

(جاری ہے)

لیکن ایک بار بھی نواز شریف نے ان کے سامنے عافیہ صدیقی کی رہائی کی بات نہیں کی ہیں۔جو پاکستانی عوام اور قوم کی غیریت مند بیٹی عافیہ کے ساتھ دھوکہ ہیں۔ ان کا مزید کہنا تھا کہ اوبامہ کی صدارت کی عہد کا خاتمہ ہورہا ہیں۔صدر بارک اوبامہ نے اپنے خصوصی اختیارات کا استعمال کرتے ہوئے 1300قیدیوں کی رہائی کا حکم دیا ہے۔جس کی وجہ سے عافیہ صدیقی کی رہائی میں اب صرف ایک خط رکاوٹ ہیں۔ اس لئے ہمارا یہ مطالبہ ہیں کہ نواز شریف قوم کے ساتھ وعدے کو ایفا کرے ۔اور جلد از جلد خط لکھ کر قوم کی غیرت مند بیٹی عافیہ صدیقی کو باعزت طریقے سے وطن واپس لائے۔#