کراچی(اُردو پوائنٹ اخبارتازہ ترین - آن لائن۔ 18 جنوری2017ء) فاریکس ایسو سی ایشن آف
پاکستان کے صدر ملک محمد بوستان نے کہا ہے کہ فارن کرنسی ایکسپورٹ کرنے کے عوض روزانہ تقریباًً 3سے 4ملین ڈالر
پاکستان آرہے ہیں جبکہ ورکر ریمیٹنس کے عوض ہمارے
کمپنی کے
ڈالر اکائونٹس میں روزانہ تقریباًً3ملین
ڈالر آتے ہیں مگر کمرشل بینک انہیں کیش
ڈالر نوٹ فراہم نہیں کر رہا جسکی وجہ سے
ڈالر کی
قلت ہوگئی ہے اور اسی سبب
ڈالر کے مقابلے روپے کی قدر گراوٹ کا شکار ہوتی جا رہی ہے ۔
ان خیالات کا اظہار انہوں نے گذشہ روزاسٹیٹ بینک کے گورنر اشرف محمود وتھرا ، ڈپٹی گورنرسعید احمد ،سینئر ایگزیکٹو ڈائریکٹر محمد علی ملک اور ایگزیکٹو ڈائریکٹر عرفان علی شاہ کیساتھ منعقدہ اجلاس میں گفتگو کرتے ہوئے کہی ۔
(جاری ہے)
فاریکس ایسوسی ایشن آف پاکستان کے صدر ملک محمد بوستان نے ڈالر کاریٹ 108.60تک پہنچنے پر گہر ی تشویش کا اظہار کیا اور کہا کہ ڈالر کے ریٹ میںاسوقت انٹر بینک اور فری مارکیٹ میں تقریباًً 4روپے کا فرق ہے، اس وجہ سے پاکستان کی معیشت اورپاکستانی روپیہ بہت کمزور ہے جس کا اثر پاکستان کی ورکر ریمیٹنس پر بھی پڑ رہا ہے اور ایکسچینج کمپنیاں پہلے کی طرح ڈالر کا ریٹ گر ائیںاور پاکستانی روپیہ کو مضبوط کرنے میں اپنا رول ادا کریں ۔
فاریکس ایسو سی ایشن آف
پاکستان کے صدر ملک محمد بوستان نے گورنر کو بتایا کہ اس وقت مارکیٹ میں فارن کرنسی کی سپلائی بہت کم ہوگئی ہے اور انڈین کرنسی کی منسوخی اور سینیٹ میں 5000کے نوٹوں کی منسوخی کی قرارداد پیش ہونیکی وجہ سے عوام تذبذب کا شکار ہوکر پاکستانی کرنسی
ڈالر میں تبدیل کرا رہی ہے جسکی وجہ سے اس وقت
ڈالر کی ڈیمانڈ 10ملین
ڈالر ہے جبکہ ہمارے پاس صرف ورکر ریمیٹنس اورکیش فارن کرنسی ملا کر مشکل سے 5سے 6ملین
ڈالر روزانہ ہے جس وجہ سے
ڈالر کا ریٹ روز بروز بڑھ رہا ہے جس پر گورنر نے کہا کہ اسٹیٹ بینک کے پاس بڑی تعداد میں کیش
ڈالر نوٹ موجود ہیں، ایکسچینج کمپنیوں کو اگر کمرشل بینک
ڈالر فراہم نہیں کریں تو ایکسچینج کمپنیاں اسٹیٹ بینک سے اپنی جائز ضرورت کے تحت
ڈالر لے سکتی ہیں ۔
ایگزیکٹو ڈائریکٹر محمد علی نے فاریکس ایسوسی ایشن کے صدر ملک محمد بوستان سے کہا کہ اگر کسی بھی ایکسچینج
کمپنی کو یا کسی کلائنٹ کو کوئی کمرشل بینک
ڈالر فراہم نہیں کر رہا تو وہ انہیں ڈائریکٹ کمپلین کریں ،ملک بوستان نے کہا کہ ہماری درخواست وقتی طور پر 2ماہ کے لیئے ایکسچینج کمپنیوں کو 10%انٹر بینک میں سرینڈر کرنیکی چھوٹ دیں تاکہ وہ یہ 10%ڈالر ہم بینک کی بجائے پبلک کو فروخت کریں جس سے
ڈالر کی سپلائی بڑھے گی اور
ڈالر کا ریٹ کم ہوگا ۔#
