تحریک انصاف بغیر کسی ثبوت کے حکومت کے خلاف مسلسل جھوٹ بول رہی ہے

وزیر مملکت برائے نجکاری محمد زبیر کی نجی ٹی وی چینل سے بات چیت

بدھ 18 جنوری 2017 19:48

اسلام آباد ۔ (اُردو پوائنٹ اخبارتازہ ترین - اے پی پی۔ 18 جنوری2017ء) وزیر مملکت برائے نجکاری محمد زبیر نے کہا ہے کہ پاکستان تحریک انصاف بغیر کسی ثبوت کے حکومت کے خلاف مسلسل جھوٹ بول رہی ہے، گذشتہ روز ایک نجی ٹی وی چینل سے بات چیت کرتے ہوئے انہوں نے کہا کہ سپریم کورٹ پر اعتماد کیا جائے، سپریم کورٹ میں یہ کیس بھی پی ٹی آئی خود لے کر گئی ہے اس لیے انہیں چاہیے کہ عدالت کے فیصلے کا انتظار کریں، پاکستان اسٹیل مل کی لیزنگ کے حوالے سے بات کرتے ہوئے انہوں نے کہا کہ نقصانات کو کم کرنے کے لیے پاکستان اسٹیل مل کی لیزنگ کو مخصوص حالات کے لیے حتمی شکل دی جا رہی ہے، ان کا کہنا تھا کہ پاکستان اور چین کے سرمایہ کاروں نے پاکستان اسٹیل مل میں سرمایہ کاری کے لیے دلچسپی کا اظہار کیا ہے۔