امریکا نے پاکستان کودہشتگردوں کے ٹھکانے ختم کرنے کیلئے سخت پیغام بھیجا ،بھارت

بدھ 18 جنوری 2017 12:12

نئی دہلی(اُردو پوائنٹ اخبارتازہ ترین - این این آئی۔ 18 جنوری2017ء) بھارت میں امریکا کے سبکدوش ہونے والے سفیر رچرڈ ورما نے کہا ہے کہ امریکا نے پاکستان کو دہشت گردوں کے ٹھکانے ختم کرنے سے متعلق سخت پیغام بھیجا تھا۔

(جاری ہے)

ٹرمپ انتظامیہ جوہری کلب میں بھارتی رکنیت سے متعلق رکاوٹیں دور کرے گی، امریکا اس میں کامیاب ہو جائے گا،بھارتی ٹی وی کے مطابق ایک تقریب کے بعد میڈیا سے خطاب کرتے ہوئے انھوں نے کہاکہ امید ہے ٹرمپ انتظامیہ نیوکلیئر سپلائر زگروپ میں بھارت کی شمولیت کی راہ میں حائل رکاوٹیں دور کرے گی، ممکن ہے کہ چین کے کچھ تحفظات ہوںلیکن یقین ہے کہ امریکا اس میں کامیاب ہو جائے گا۔

میڈیا سے بات کرتے ہوئے انہوں نے امید ظاہر کی ٹرمپ انتظامیہ جوہری کلب میں بھارتی رکنیت سے متعلق رکاوٹیں دور کرے گی، اس سے پہلے چین نے کہا تھا کہ این پی ٹی پر دستخط نہ کرنے والے ملکوں کی این ایس جی کلب میں شمولیت الوداعی تحفہ نہیں ہو سکتی ۔رچرڈ ورما نے کہا کہ ممکن ہے کہ چین کے کچھ تحفظات ہوں لیکن انہیں یقین ہے کہ بالآخر امریکا اس میں کامیاب ہو جائے گا، بھارت کے بعد پاکستان نے بھی این ایس جی کی رکنیت کے لیے درخواست دی ہے