کراچی،گلشن اقبال میں ہلکی بوندا باندی،موسم خوشگوار

منگل 17 جنوری 2017 17:56

کراچی(اُردو پوائنٹ اخبارتازہ ترین - آن لائن۔ 17 جنوری2017ء) شہرِقائد کے علاقے گلشن اقبال میں ایک بار پھررم جھم کا سلسلہ شروع ہوگیا ہے۔تفصیلات کے مطابق کراچی میں موسم سرما ابر رحمت بن کر برسا ہے۔ شہر قائد میں منگل کی صبح کا آغاز ہی ہلکی ہلکی بوندا باندی سے ہوا۔محکمہ موسمیات کے مطابق کراچی میں ہلکی بارش کی پیش گوئی ہے۔ سرد موسم کے باعث اسکول جانے والے بچوں کا برا حال ہے۔

(جاری ہے)

والدین متعدد بارحکومت اور محکمہ تعلیم کے افسران بالا کی توجہ اس جانب مرکوز دلا چکے ہیں. تاہم متعلقہ ادارے کے کان پر جوں نہیں رینگ رہی ہے۔واضح رہے کہ ہرسال کی طرح رواں سال بھی سردی میں شدت دسمبر کے بجائے جنوری میں آئی ہے جبکہ موسم سرما کی چھٹیاں دسمبرمیں دی جاتی ہیں اور جب سردی اپنے عروج پر آتی ہے تو اسکولوں میں تدریس کے عمل کا اآغازکردیا جاتا ہے جس کی وجہ سے بچے اور والدین کو دقت کا سامنا کرنا پڑتا ہے۔

Facebook Twitter Google + Share on Whatsapp

کراچی،گلشن اقبال میں ہلکی بوندا باندی،موسم خوشگوار

متعلقہ عنوان :

مزید قومی خبریں