فیصل مسجد کے سامنے سڑک پر کار پارکنگ کے نام پر ٹیکس وصولی بند کی جائے، وفاقی دارالحکومت کے مکینوں کا مطالبہ
مسئلہ کا جلد حل نکالا جائے گا،سی ڈی اے
منگل 17 جنوری 2017 12:33
(جاری ہے)
فیصل مسجد کے سامنے گزرنے والے ایک ٹیکسی ڈرائیور سرفراز نے بتایاکہ گزشتہ سال اگست سے یہاں پر سڑک پر رکاوٹیں کھڑی کردی گئی ہیں اور وہ ٹیکسی ڈرائیوروںاور دیگر گاڑیوں سے 20، 20روپے ٹیکس کی مد میں وصولی کررہے ہیں جو قانونی طور پر زیادتی ہے ۔
انہوںنے کہاکہ وہ بمشکل ٹیکسی چلا کر روزی کماتا ہے، اگر وہ سواری بٹھا کر اس روڈ سے روزانہ 10مرتبہ بھی گزرے تو ٹیکس کی مد میں ہر بار 20 روپے ادا کتا ہے ۔ انہوں نے مطالبہ کہ ہمارے اس حال پر رحم کیا جائے اور اس غنڈہ ٹیکس کو ختم کیاجائے ۔ اسلام آباد کی رہائشی شازیہ نے اے پی پی کو بتایاکہ فیصل مسجد کے سامنے گزرتے ہوئے ان سے 20 روپے ٹیکس وصول کیا گیا جب میں نے ان لوگوں سے دریافت کیا تو وہ ان سے کس چیز کی مد میں پیسے لے رہے ہیں تو انہوںنے کہاکہ ہمیں سی ڈی اے نے یہ ٹھیکہ دیا ہے اس روڈ پر جتنی بھی گاڑیاں گزریں گی کارپارکنگ کی مد میں ہر گاڑی سے 20،20روپے وصول کریں۔ جی۔ 9کے رہائشی محمد اکرم نے بتایاکہ وہ اپنی فیملی کے ہمراہ فیصل مسجد کی طرف جارہے تھے ، جب فیصل مسجد کے قریب پہنچے تو سڑک پر رکاوٹیں کھڑی کرنے والے اہلکاروں نے ان سے 20 روپے غیر قانونی ٹیکس لیا ہے ۔ انہوں نے کہاکہ دنیا کے کسی بھی کونے میں ایسا کوئی قانون نہیں ہے کہ کوئی سڑک پر اپنے ہی رہائشیوں سے ٹیکس وصول کرنا شروع کرے۔ انہوںنے کہاکہ سڑک پر گاڑیوں سے ٹیکس لینا نہ صرف غیر قانونی ہے بلکہ اس سے مختلف حادثات رونما ہو سکتے ہیں۔ فیصل مسجد کے سامنے موجود افراد نے اے پی پی کو بتایاکہ یہاں پر فیصل مسجد میں جب جمعہ پڑھنے کے لئے جب لوگ آتے ہیں تو ان کی گاڑیاں بھی روڈ پر روک کر ان سے ٹیکس وصول کرتے ہیں۔ انہوںنے کہاکہ سڑک پر گاڑیاں روکنے سے نہ صرف شہریوں کو گاڑیوں کے رش کی وجہ سے مشکلات کاسامنا پڑتا ہے بلکہ انہیں جمعہ کی نماز میں بروقت پہنچنے میں بھی دشواری کاسامنا کرنا پڑتاہے۔ انہوںنے سی ڈی اے کے حکام سے مطالبہ کیاہے کہ سڑک پر کار پارکنگ کے نام پر ٹیکس کو بند کیا جائے ۔ فیصل مسجد کے سامنے فیصل ایونیو جب ٹیکس وصول کرنے والے اہلکاروں سے دریافت کیا گیاتو انہوںنے اے پی پی کو بتایاکہ وفاقی ترقیاتی ادارہ سی ڈی اے نے 2013ء میں راجہ خالد اور راجہ زاہد کو یہ ٹھیکہ دیا تھا تاہم اسلام آباد ہائی کورٹ میں حکم امتناعی کی وجہ سے 2014ء سے 2016ء تک یہ کارپارکنگ ٹیکس بند تھا تاہم سٹے کے بعد گزشتہ سال 5 جنوری سے یہ ٹیکس بحال ہو گیا ہے اور ہم نے اب گاڑیوں سے دوبارہ ٹیکس وصول کرنا شروع کردیا ہے ۔ انہوںنے کہاکہ سی ڈی اے نے یہ ٹھیکہ راجہ خالد اور راجہ زاہد کو انٹر اسٹی کارپارکنگ کے نام پر دیا ہے۔ جب اس حوالے سے سی ڈی اے کے ترجمان ملک مظہر حسین سے رابطہ کیا گیا تو انہوںنے اے پی پی کو بتایاکہ فیصل ایونیو کارپارکنگ ٹیکس کے نفاذ کے حوالے سے پہلے بھی ہمیں شکایت موصول ہوئی ہے ہم نے سی ڈی اے کے متعلقہ حکام کو اس مسئلہ کے حوالے سے آگاہ کیا ہے ، امید ہے کارپارکنگ ٹیکس کا مسئلہ جلد حل ہوجائے گا۔مزید تجارتی خبریں
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
-
برائلر گوشت کی قیمت میں 12روپے کلو کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.