حکومت سی ایس ایس کے نظام میں بہتری کے لئے سینٹ تجاویز کا خیر مقدم کرے گی ،ْ شیخ آفتاب احمد
معاملے کو پورے ایوان کی کمیٹی یا سینٹ کی کمیٹی میں لائے جانے پر حکومت کو کوئی اعتراض نہیں ہے ،ْ سینٹ میں اظہار خیال سی ایس ایس کے نظام میں مزید بہتری کے لئے معاملہ حکومت کو بہتر سفارشات کے لئے کمیٹی کے سپرد کیا جائے ،ْ سینیٹر مظفر شاہ کی تجویز
پیر 16 جنوری 2017 21:36
(جاری ہے)
2016ء میں حکومت نے اس میں بعض ترامیم کی ہیں تاہم انہوں نے کہا کہ ہر نظام میں بہتری کی گنجائش رہتی ہے اور اگر اس حوالے سے پورے ایوان کی کمیٹی یا سینٹ کی کمیٹی اس حوالے سے کوئی سفارشات دینا چاہے تو حکومت اس کا خیر مقدم کرے گی۔
اس موقع پر چیئرمین سینٹ نے کہا کہ اگر اراکین اس کو پورے ایوان کی کمیٹی میں لانا چاہتے ہیں تو وہ قائد ایوان سینیٹر راجہ ظفر الحق اور قائد حزب اختلاف سینیٹر اعتزاز احسن سے رابطہ کرسکتے ہیں۔ قبل ازیں سینیٹر چوہدری تنویر خان نے تحریک پیش کی کہ یہ ایوان سی ایس ایس کے امتحان کے لئے وضع شدہ طریق کار میں تبدیلی کی ضرورت کو زیر بحث لائے۔ تحریک پر بات کرتے ہوئے انہوں نے کہا کہ بیورو کریسی کا نظام 1854ء میں رائج ہوا۔ انگریزوں نے عوام کو کنٹرول کرنے کے لئے یہ نظام بنایا۔ موجودہ نظام عوام کو کنٹرول کرنے کی بجائے عوام کی خدمت کرنے کے لئے ہونا چاہیے۔ اس سسٹم کو تبدیل کرنے کی ضرورت ہے۔ کئی دہائیوں سے وہی پرانے سروس گروپ چل رہے ہیں جبکہ کئی نئے شعبے بن چکے ہیں جن کی اپنی ضروریات ہیں۔ جیسے طب‘ انجینئرنگ اور آئی ٹی کا شعبہ‘ سی ایس ایس کا رزلٹ ایک سال بعد آتا ہے۔ ہر شعبے کے افسران کے لئے متعلقہ شعبہ میں مہارت رکھنے والوں کو منتخب کیا جائے۔ سی ایس ایس امتحان کے حوالے سے شفافیت لائی جائے۔ بنیادی قابلیت بی اے کی بجائے ایم اے کی جائے۔ کلسٹر کی بنیاد پر امتحان لیا جائے۔ اختیاری مضامین بھی متعلقہ گروپ سے ہی ہونی چاہئیں۔ سپیشل کیڈر کا آغاز کیا جائے تاکہ ہائر گریڈز میں مختلف شعبوں کے ماہرین آسکیں۔ سینیٹر لیفٹیننٹ جنرل (ر) عبدالقیوم نے کہا کہ سی ایس ایس امتحان کے ذریعے اردو سے ناآشنا لوگ آتے ہیں۔ یہ سسٹم انگریزی زبان کی بنیاد پر بنا ہے۔ انجینئرنگ اور میڈیکل کرکے آنے والے پولیس میں چلے جاتے ہیں۔ 12 کی بجائے 4 مرکزی گروپ ہونے چاہئیں۔ آرٹس کے مضامین میں کم نمبر آتے ہیں۔ سائنس میں پورے نمبر حاصل کرکے امیدوار بہتر پوزیشن حاصل کرلیتے ہیں۔ سینیٹر خوش بخت شجاعت نے کہا کہ ہم اپنی زبان پر شرمندگی محسوس کرتے ہیں۔ سینیٹر عثمان کاکڑ نے کہا کہ تجویز کیا کہ اس معاملے کو پورے ایوان کی کمیٹی میں لے جائیں‘ بہت سارے اراکین اس پر بات کرنا چاہتے ہیں۔ سینیٹر نعمان وزیر نے کہا کہ چوہدری تنویر نے بہت اہم معاملہ اٹھایا ہے یہ سپیشلائزیشن کا دور ہے۔ اس پر تفصیلی بحث کرکے حکومت کو مناسب تجاویز دیں۔ سینیٹر روبینہ خالد نے کہا کہ سی ایس ایس پر مزید قدغن نہ لگائی جائے اس سے غریب کے لئے مواقع کم ہوں گے۔ سینیٹر میر کبیر نے کہا کہ دیہات کے بچے انگریزی میں کمزور ہونے کے باعث سی ایس ایس میں مشکلات کا شکار رہتے ہیں۔ انہوں نے کہا کہ براہوی زبان کا مضمون بھی اس میں شامل کیا جائے۔ سینیٹر مظفر حسین شاہ نے کہا کہ سی ایس ایس والوں کو عموماً ایڈمنسٹریٹر نوکریاں دی جاتی ہیں حالانکہ اپنے شعبے کا ماہر اس شعبے میں زیادہ کارگر ہوتا ہے۔ لوگ زیادہ سی ایس ایس کی طرف رخ کرتے ہیں کیونکہ یہ ایک کامیاب ملازمت تصور ہوتی ہے۔ انہوں نے تجویز کیا کہ سی ایس ایس کے نظام میں مزید بہتری کے لئے معاملہ حکومت کو بہتر سفارشات کے لئے کمیٹی کے سپرد کیا جائے۔مزید اہم خبریں
-
بلند ترین شرح سود کے ساتھ کاروبار چلانا ممکن نہیں رہا‘شرح سود مہنگائی کم کرنے کے لیے بڑھائی گئی تھی.تاجر
-
ام المومنین حضرت خدیجة الکبریٰ ؓ کا یوم وصال 10رمضان المبارک بمطابق 21 مارچ کو عقیدت و احترام سے منایا جائے گا
-
نواز شریف آئندہ ماہ سعودی عرب جائیں گے،لندن بھی جانے کا فیصلہ
-
ویوو نے بہترین پوٹریٹ فوٹوگرافی اور دلکش ڈیزائن کا حامل V30 5G پاکستان میں متعارف کردیا
-
’مئی جون تک نئی سیاسی جماعت آجائے گی‘ شاہد خاقان عباسی کا اعلان
-
حسن اور حسین نواز کی بریت سے متعلق فیصلہ محفوظ
-
ہمارے شہداءکے قاتل افغانستان میں ہوں تو پھر کارروائی کا حق رکھتے ہیں،خواجہ آصف
-
کراچی سے فورسز پر حملوں میں ملوث دہشت گرد گرفتار
-
پاکستان میں ہونے والے حملے میں جانی نقصان پر افسوس ہے،ترجمان امریکی محکمہ خارجہ
-
بجلی 5روپے مہنگی کرنے کی درخواست نیپرا میں جمع
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.