Live Updates

و زیر اعظم نے سیاسی تاریخ کا سب سے بڑا یو ٹرن لیا ، نواز شریف کی اخلاقی ساکھ ختم ہو گئی ‘ آئی سی آئی جے اور بی بی سی کی دستاویزات کے مطابق مے فیئرشریف فیملی کی ملکیت ہیں، اگر وہ غلط کہہ رہے ہیں تو انہیں عدالت لے کر جائیں

پاکستان تحریک انصاف کے چیئرمین عمران خان کی میڈیا سے گفتگو

پیر 16 جنوری 2017 15:25

و زیر اعظم  نے سیاسی تاریخ کا سب سے بڑا یو ٹرن لیا  ، نواز شریف کی اخلاقی ..
اسلام آباد(اُردو پوائنٹ اخبارتازہ ترین - آئی این پی۔ 16 جنوری2017ء) پاکستان تحریک انصاف کے چیئرمین عمران خان نے کہاہے کہ و زیر اعظم نواز شریف نے سیاسی تاریخ کا سب سے بڑا یو ٹرن لیا ہے، نواز شریف کی اخلاقی ساکھختم ہو گئی ‘ آئی سی آئی جے اور بی بی سی کی دستاویزات کے مطابق مے فیئرشریف فیملی کی ملکیت ہیں، اگر وہ غلط کہہ رہے ہیں تو انہیں عدالت لے کر جائیں۔

پیر کو چیئرمین تحریک انصاف عمران خان نے سپریم کورٹ کے باہر میڈیا سے گفتگو کرتے ہوئے کہا کہ آج وزیر اعظم نواز شریف کی سیاسی تاریخ کا سب سے بڑا یو ٹرن دیکھا ہے۔ اسمبلی میں کھڑے ہو کر انہوں نے کہاکہ میں احتساب کیلئے تیار ہوں مگر ان کے وکیل نے عدالت میں کہا کہ ہمارے پاس نہ کوئی منی ٹریل ہے اور نہ ہی کوئی ثبوت ہے۔

(جاری ہے)

عمران خان نے کہا کہ 2016ء تک (ن) لیگ یہ تسلیم نہیں کر رہی تھی کہ مے فیئر شریف فیملی کی ملکیت ہیں۔

انہوں نے کہاکہ (ن) لیگ کو خدشہ ہو گیا ہے کہ وزیر اعظم نے جھوٹ بولا ہے۔ ان کی اخلاقی قوت ختم ہو گئی ۔ حکومت کے گمان میں بھی نہیں تھا کہ یہ معاملہ سپریم کورٹ میں جائے گا۔ آئی سی آئی جے کی دستاویزات کے مطابق مریم نواز فلیٹس کی اصل مالک ہیں اور اگر مریم نواز اصل مالک ہیں تو قطری شہزادے کا خط جھوٹا ہو جاتا ہے۔ عمران خان نے کہاکہ بی بی سی نے ہمارے موقف کی تصدیق کر دی ہے کہ مے فیئر فلیٹس کی ملکیت 1993 سے شریف فیملی کی ہے ۔ اگر آئی سی آئی جے اور بی بی سی غلط کہہ رہے ہیں تو انہیں عدالت لے کر جائیں۔ انہوں نے کہاکہ قوم انتظار کر رہی ہے کہ منی ٹریل اور قطری شہزادے کے خط کی وضاحت آئے گی۔
Live پاکستان تحریک انصاف سے متعلق تازہ ترین معلومات