اٹلی:فوڈ انسپکشن محکمے کے اہلکاروں کا شمالی اٹلی میں ہوٹل پر چھاپہ

روم (اُردو پوائنٹ اخبارتازہ ترین - آن لائن۔ 15 جنوری2017ء) اٹلی میں قائم ایک چینی ہوٹل میں گاہکوں کو انسانی گوشت فراہم کیے جانے کی لرزہ خیز خبر کا ا نکسشاف ہو ا ہے غیر ملکی میڈیا کے مطابق شمالی اٹلی میں قائم ایک چینی ہوٹل میں رات کے کھانے میں انسانی ٹانگ کا گوشت گاہکوں کو فراہم کیا جاتا رہا ہے۔ایک نامعلوم ویٹرنے کٹی ہوئی انسانی ٹانگ کی دو تصاویر پوسٹ کرتے ہوئے اس بات کی تصدیق کی ہے کہ ہوٹل میں سلوینین گاہکوں اور ان کے دوستوں کو انسانی گوشت کھلایا جاتا رہا ہے۔

مذکورہ ویٹر کا کہنا ہے کہ ہوٹل میں آنے والے ایک شخص نے ’ریچھ کی ٹانگ‘ کے نام سے مشہور چینی ڈیش طلب کی تھی۔ ہوٹل میں آنے والے ایک مہمان نے اطالوی پولیس کو انسانی گوشت کی لرزہ خیز تصاویرسے آگاہ کیا ہے جس کے بعد پولیس اور فوڈ انسپکشن محکمے کے اہلکاروں نے شمالی اٹلی کے شہر بادوا میں قائم اس ہوٹل پر چھاپہ مارا۔

(جاری ہے)

ہوٹل سے بھاری مقدار میں مچھلی اور نامعلوم جانوروں کا گوشت قبضے میں لیا گیا ہے۔

تفتیش کے دوران پتا چلا ہے کہ ہوٹل میں رکھے گئے تمام ریفریجیریٹروں اور فرائی کے لیے استعمال ہونے والے اونز میں چربی اور گندگی کے ڈھیر پائے گئے ہیں۔ مذکورہ ہوٹل سے کیکڑے کا زاید المیعاد گوشت اور مینڈک کی ٹانگیں بھی ملی ہیں۔ حکام نے انسانی ٹانگ کی تصاویر اور انسانی گوشت کی ہوٹل میں موجودگی کی تحقیقات شروع کردی ہیں۔