پاک سرزمین پارٹی کے تحت ’’کراچی کاحال پاکستان کی مستقبل کی ضمانت‘‘ عنوان سے 29جنوری کو جلسہ منعقد ہو گا

پی ایس پی کی عوامی رابطہ مہم اور کارنرمینٹگوںکا باقاعدہ آغاز

ہفتہ 14 جنوری 2017 20:25

کراچی(اُردو پوائنٹ اخبارتازہ ترین - آن لائن۔ 14 جنوری2017ء) پاک سرزمین پارٹی کے تحت ’’کراچی کاحال پاکستان کی مستقبل کی ضمانت‘‘ عنوان سے 29جنوری کوایم اے جناح روڈ تبت سینٹرپر ایک عظیم الشان جلسہ منعقد کیا جارہاہے جس کے سلسلے میں پی ایس پی کی عوامی رابطہ مہم اور کارنرمینٹگوںکا باقاعدہ آغاز کر دیا گیا اور اسلسلے میں پی ایس پی کے تحت کٹی پہاڑی اور قصبہ علی گڑھ میں پرچم کشائی کی تقریب کا انعقاد کیا گیا پر چم کشائی چیئرمین پاک سرزمین پارٹی سید مصطفی کمال اور صدر انیس قائم نے کی۔

اس مو قع پر پی ایس پی کے ذمہ داران و کارکنان سمیت عوام کی بڑی تعداد موجود تھی جنہوں نے سید مصطفی کمال کی آمد پر پرتپاک استقبال کرتے ہوئے پھولوں کی پتیاں نچھاور کیں اس موقع پر عوام کا جوش خروش قابل دید تھا۔

(جاری ہے)

پرچم کشائی کی تقریب سے خطاب کر تے ہوئے پی ایس پی چیئر مین سید مصطفی کمال نے کہاکہ ہم نے جس جدوجہد کا آغاز کیا اس کا ثمر آج حاصل ہوتا نظر آرہا ہے، جو لوگ عوام میں نفرتیں پیدا کر کے اپنے مفاد حاصل کرتے تھے آج ان کی ہار دنیا دیکھ لے ، ہمارے آنے سے لوگوں میں امید کی کرن پیدا ہوئی ہے انہوں نے کہاکہ آج کٹی پہاڑی پر اردو اور پشتو بولنے والے ایک دوسرے کے ساتھ ہیں اور تمام قومیتوں کا ایک ہرچم تلے جمع ہونا ہماری جدوجہد کا نتیجہ ہے،انہو ں نے کہا کہ ہم لو گو ں کو تقسیم کر نے نہیں آئے ہیں بلکہ سب کوایک قوم بنا کر مضبوط کرنے آئے ہیں۔

انہوں نے مزید کہا کہ عزت۔اختیار۔انصاف سب کیلئے پاک سرزمین پارٹی کامنشور ہے اورپاک سرزمین پارٹی پورے پاکستان کے ہرزبان بولنے والے کی نمائندہ جماعت ہے انہو ں نے کہا کہ بارش کے باوجود عوام کی اتنی بڑی تعداد پاک سر زمین پارٹی کی کا میابی کی ضمانت ہے۔