وزیراعظم آزادکشمیر رواداری کی سیاست کو فروغ دے کر تاریخ رقم کررہے ہیں‘ سابقہ دور کی عوام دشمن پالیسیوں نے اداروں کو تباہی کے دھانے پرکھڑا کردیاتھا‘وزیراعظم فاروق حیدر خان کشمیریوں کے مسلمہ لیڈر ہیں‘مخالفین منفی سیاست کے ایجنڈے سے ہٹ کرعوامی خدمت کو یقینی بنائیں
مسلم لیگ (ن) کے راہنماوسابق وزیرسردارمحمدنعیم خان کی بات چیت
ہفتہ 14 جنوری 2017 16:58
(جاری ہے)
میرپوراورکوٹلی والوں کے فاصلے کم کرنے والارٹھوعہ ہریام پل میں مالی بے ضابطگیوں میں ملوث افراد اور تاخیری حربے استعمال کرنے والوں کے خلاف کارروائی ہونی چاہیے۔
مخالفین کا ناچ گانامیاں برادران کے ترقی کے ویژن کو سبوثارنہیں کرسکتا۔ وزیراعظم آزادکشمیر نے بجلی کی لوڈشیڈنگ کادورانیہ کم کروا کرروشن کشمیر کو یقینی بنایاہے۔ وزیراعظم پاکستان نے تاریخی پیکج کا اعلان کرکے بدلا ہے پاکستان بدلیں گے کشمیرکی ٹھوس بنیاد رکھ دی ہے۔ وزیراعظم پاکستان نے سی پیک منصوبے میں کشمیرکوشامل کرکے اہل کشمیرکے دل جیت لیے ہیں۔ وزیراعظم پاکستان کی ٹھوس معاشی پالیسیوں کی بدولت بیرونی سرمایہ کارآج پاکستان میں سرمایہ کاری کے لیے کھینچے آرہے ہیں۔ ان خیالات کااظہار انھوں نے گذشتہ روز میڈیانمائندگان سے بات چیت کرتے ہوئے کیا۔ انھوں نے کہاکہ ہماراملک فرقہ واریت ، لسانی تعصبات ، تفرقہ اور افراتفری کامتحمل نہیں ہوسکتا۔ بیرون ملک وقت گزار کرموسمی سیاست دان اپنے اوچھے ہتھکنڈوں سے ترقی کا پہیہ جام نہیں کرسکتے۔ ہماری مضبوط معاشی پالیسیوں کی بدولت آج روس بھی سی پیک منصوبہ میں دلچسپی لے کربھارت کی نیند چھین چکاہے۔ذاتی سوچ کوپروان چڑھانے کی بجائے مثبت اوراجتماعی سوچ کوساتھ رکھ کردورحاضرکے تقاضوں کے مطابق ملک اورقوم کی خدمت کی جاسکتی ہے۔ انھوںنے کہاکہ بھارت مقبوضہ کشمیرمیں مظالم بند کرے۔ بھارتی مظالم کشمیریوں کوان کی اصل منزل کشمیربنے گا پاکستان سے دورنہیں رکھ سکتے۔ بھارت پاکستان کا پانی روک کردنیاکے سامنے بے نقاب ہورہاہے۔ کشمیریوں کا لہووجگر پاکستان کے لیے حاضر ہے۔ غیرکشمیری ہندوئوں کی آبادکاری مقبوضہ کشمیرمیں بھارت کی بین الاقوامی قوانین کی سنگین خلاف ورزی ہے۔ مسئلہ کشمیرپر پاکستان کا اصولی موقف کشمیریوں کی سیاسی، اخلاقی اور سفارتی حمایت ہمیشہ کشمیریوں کے جذبہ حریت کے لیے پیش پیش رہی ہے۔ انھوں نے کہاکہ پاکستان مسلم لیگ ن بلاتخصیص کام کررہی ہے۔ یہی وجہ ہے کہ 2018 کے الیکشن میں پاکستانی عوام مسلم لیگ ن کوکارکردگی کی بناء پرالیکشن جتواکرمیاں برادران کے ویژن کو جاری وساری رکھیں گے۔ تاریخی پیکج سے سابقہ دور کے حکمرانوں کی عدم توجہ شکاررہنے والی سڑکات کوبہتر بنائیں گے۔ بے روزگاری اس وقت اہم ایشوہے۔نوجوانوں کوروزگار کے علاوہ آسان شرائط پرقرضہ جات دے کران کو مختلف فیلڈ میں کام کرنے کا موقع دیاجائے گا۔ سابق دورمیں حکمران پسند وناپسند کی بنیاد پراداروں کاقیام ڈویلپمنٹ کے بجٹ پرلاتے رہے۔ یہی وجہ ہے کہ ان کے غلط فیصلوں کی وجہ سے آج ان کے حامی بھی ان کی پالیسیوں پرتنقید کرتے نظرآرہے ہیں۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.