نائیجیریا میں چیک پوائنٹ پر 3 خودکش حملہ آوروں کے دھماکہ سے دو سیکورٹی اہلکار ہلاک

ہفتہ 14 جنوری 2017 13:50

لاگوس ۔ (اُردو پوائنٹ اخبارتازہ ترین - اے پی پی۔ 14 جنوری2017ء) نائیجیریا کے شمال مشرقی قصبہ کی چیک پوائنٹ پر 3 جودکش حملہ آوروں نے خود کو دھماکہ سے اڑادیا جس کے نتیجہ میں انہیں روکنے والے دو سیکورٹی اہلکار ہلاک ہو گئے ۔

(جاری ہے)

ہفتہ کو ذرائع ابلاغ کی رپورٹ کے مطابق خود کش حملہ کا نشانہ بنے والے اہلکاروں نے ان تینوں کو تلاشی کے روکا جس پر انہوں نے خود کش دھماکہ کردیا ۔

مقامی حکام نے بتایا کہ یہ خود کش دھماکہ مداگلی میں ہوا جہاں گذشتہ ہفتے بھی نواحی علاقہ میں تین خود کش بمبار لڑکیاں دھماکہ میں ہلاک ہو گئی تھیں ۔ دسمبر میں بھی مداگلی قصبہ کی سبزی وفروٹ مارکیٹ میں دھماکہ سے 57 افراد ہلاک اور 177 زخمی ہو گئے تھے ۔ اب تازہ ترین خود کش حملے کا الزام بوکو حرام کے شدت پسندوں پر لگایا جا رہا ہے ۔