پی آئی اے نے دوران پرواز مسافروں کی تفریح کا نیا نظام متعارف کرادیا

نئے سسٹم کے ذریعے مسافراپنے لیپ ٹاپ، سیل فون اورٹیبلٹ سے منسلک ہوسکتے ہیں، ترجمان پی آئی اے

جمعہ 13 جنوری 2017 19:26

کراچی(اُردو پوائنٹ اخبارتازہ ترین - آن لائن۔ 13 جنوری2017ء) پی آئی اے نے دوران پروازتفریح اورسہولیات کا نیا نظام متعارف کروادیا جس کے تحت ڈومیسٹیک پروازوں میں مفت انٹرنیٹ سہولت بھی متعارف کروادی گئی ہے۔

(جاری ہے)

تفصیلات کے مطابق پاکستان انٹرنیشنل ائیرلائینزکی باکمال انتظامیہ کو اپنے مسافروں کا خیال آنا شروع ہوگیا ہے اوروہ مسافروں کولاجواب سروس کی فراہمی میں دلچسپی لینے لگی ہے، اس کی ایک مثال اندرون ملک پروازوں میں مسافروں کی تفریح اورسہولیات کا نیا نظام متعارف کرانا ہے۔ترجمان پی آئی اے کے مطابق پرائم ڈومیسٹک پروازوں پر آج سے انٹرنیٹ سہولت بھی متعارف کرا دی گئی ہے جس کے بعد نئے سسٹم کے ذریعے مسافر اپنے لیپ ٹاپ، سیل فون اورٹیبلٹ سے منسلک ہوسکتے ہیں۔