اقلتیوں کے حقوق کا تحفظ یقینی بنایا جائے گا، انھیں معاشرے میں جائز مقام دلانے ..
بند کریں
تازہ ترین ایڈ یشن کے لیے ابھی کلک کریں
بدھ جنوری

مزید اہم خبریں

وقت اشاعت: 11/01/2017 - 21:13:01 وقت اشاعت: 11/01/2017 - 21:13:00 وقت اشاعت: 11/01/2017 - 19:26:26 وقت اشاعت: 11/01/2017 - 21:05:44 وقت اشاعت: 11/01/2017 - 19:15:27 وقت اشاعت: 11/01/2017 - 20:59:39 وقت اشاعت: 11/01/2017 - 20:59:30 وقت اشاعت: 11/01/2017 - 20:55:59 وقت اشاعت: 11/01/2017 - 19:01:47 وقت اشاعت: 11/01/2017 - 20:41:13 وقت اشاعت: 11/01/2017 - 20:41:11
پچھلی خبریں - مزید خبریں

اقلتیوں کے حقوق کا تحفظ یقینی بنایا جائے گا، انھیں معاشرے میں جائز مقام دلانے کیلئے ہر ممکن کوششیں کی جائیں گی‘ وہ دن دور نہیں جب پاکستان کو بین الاقوامی سطح پر اقلیت دوست ملک کے طور پر جانا جائے گا ‘ قوم کو اندھیروں میں جھونکنے والوں اور ترقی کا راستہ روکنے والوں کو جواب دینا پڑے گا، ہم رکنے والے نہیں ہیں‘ ہم مخلوق کی بہتری‘ خوشحالی اور بے روزگاری کے خاتمے کیلئے کام کرتے جائیں گے، پورے ملک کی موٹر ویز ہمارے ہاتھوں سے بننی ہیں، 2013 سے قبل روز بم دھماکے ہوتے تھے‘اب دہشت گردی قابو میں آرہی ہے‘ پاکستان نے معاشی استحکام حاصل کر لیا ہے جسکا اعتراف دنیا کے معروف ادارے کر رہے ہیں، معاشی اشاریے پہلے سے کئی گنا بہتر ہوگئے‘ شرح نمو گذشتہ سال4.7 فیصد تھی اس سال 5.5 فیصد ہوجائے گی اور آئندہ دو سال میں 7 فیصد سے بڑھ جائے گی، بابا گرونانک اور گندھارا یونیورسٹی کے قیام کے سلسلے میں ہر ممکن مدد اور تعاون فراہم کریں گے

وزیراعظم محمد نواز شریف کا کٹاس راج کے دورہ اورواٹر فلٹریشن پلانٹ کے افتتاح کے بعد اجتماع سے خطاب

کٹاس راج۔ (اُردو پوائنٹ اخبارتازہ ترین۔ 11 جنوری2017ء) وزیراعظم محمد نواز شریف نے کہا ہے کہ اقلتیوں کے حقوق کا تحفظ یقینی بنایا جائے گا اور انھیں معاشرے میں جائز مقام دلانے کیلئے ہر ممکن کوششیں کی جائیں گی‘ وہ دن دور نہیں جب پاکستان کو بین الاقوامی سطح پر اقلیت دوست ملک کے طور پر جانا جائے گا ‘ قوم کو اندھیروں میں جھونکنے والوں اور ترقی کا راستہ روکنے والوں کو جواب دینا پڑے گا، ہم رکنے والے نہیں ہیں‘ ہم مخلوق کی بہتری‘ خوشحالی اور بے روزگاری کے خاتمہ کیلئے کام کرتے جائیں گے، پورے ملک کی موٹر ویز ہمارے ہاتھوں سے بننی ہیں‘ 1999 اور 2013 کے درمیان کی مدت میں کوئی موٹر وے نہیں بنی‘ 2013 سے قبل روز بم دھماکے ہوتے تھے‘ مسلمان مسلمان کا گلا کاٹ رہا تھا‘ اللہ نے ہماری مدد کی اور دہشت گردی بھی قابو میں آ رہی ہے‘ پاکستان نے معاشی استحکام حاصل کر لیا ہے جسکا اعتراف دنیا کے معروف ادارے کر رہے ہیں، معاشی اشاریے پہلے سے کئی گنا بہتر ہوگئے‘ شرح نموجو گذشتہ سال4.7 فیصد تھی وہ اس سال 5.5 فیصد ہوجائے گی اور آئندہ دو سال میں 7 فیصد سے بڑھ جائے گی، بابا گرونانک اور گندھارا یونیورسٹی کے قیام کے سلسلے میں ہر ممکن مدد اور تعاون فراہم کریں گے۔

وہ بدھ کو کٹاس راج کے دورہ کے موقع پرواٹر فلٹریشن پلانٹ کے افتتاح کے بعد اجتماع سے خطاب کر رہے تھے۔ وفاقی وزیر برائے مذہبی امور و بین المذاہب ہم آہنگی سردار محمد یوسف‘ چیئرمین متروکہ وقف املاک بورڈ صدیق الفاروق‘ ایم این اے ڈاکٹر درشن‘ اسفن یار بھنڈرا اور اقلیتی برادریوں کے نمائندے بھی اس موقع پر موجود تھے۔وزیراعظم محمد نواز شریف نے کہا کہ وہ تمام پاکستانیوں کے وزیراعظم ہیں اور یہ انکا مذہبی فریضہ ہے کہ وہ ملک کے ہر شہری کا بلا تفریق خیال رکھیں۔

انہوں نے کہا کہ آثار قدیمہ کے حوالے سے کٹا س راج کو بڑی اہمیت حاصل ہے جو 4 تہذیبوں کا سنگم ہے‘ آج کا اجتماع پوری دنیا کو پیغام دے رہا ہے کہ پاکستان میں بسنے والی اقلیتوںکو برابر کا شہری سمجھا اور مانا جاتا ہے۔ انہوں نے کہا کہ تمام اقلیتیں پاکستان کے دفاع‘ امن‘ ترقی اور خوشحالی کے لئے ہاتھوں میں ہاتھ ڈال کر کام کررہی ہیں‘ ہم سب پاکستان کی تعمیر میں ہاتھ بٹا رہے ہیں۔

انہوں نے کہا کہ مذہب سب کا اپنا اپنا لیکن انسانیت ہماری مشترکہ اساس ہے‘ میں ذاتی طور پر اقلیتوں کی خوشیوں میں شریک ہوتا ہوں‘ بطور پاکستانی ہماری خوشیاں اور دکھ سانجھے ہیں۔ وزیراعظم محمد نواز شریف نے کہا کہ وہ بابا گرونانک اور گندھارا یونیورسٹی کے قیام کے سلسلے میں ہر ممکن مدد اور تعاون فراہم کریں گے۔ انہوں نے کہا کہ وہ دن دور نہیں جب پاکستان کو بین الاقوامی سطح پر اقلیت دوست ملک کے طور پر جانا جائے گا ۔

انہوں نے کہا کہ حضورؐ نے اقلیتوں کے تحفظ کے کی ضمانت دی تھی‘ ہر مذہب احترام‘ اتحاد اور اتفاق کا درس دیتا ہے‘ غلط سبق کسی کو پڑھانا چاہیے نہ سیکھنا چاہئے۔ وزیراعظم نے کہا کہ آثار قدیمہ کے حوالہ سے کٹاس راج کو امتیازی حیثیت حاصل ہے، ہندو قوم کیلئے یہ ایک مقدس مقام ہے مگر ہندوئوں کے ساتھ ساتھ یہ مختلف تہذیبوں کا ایک سنگم بھی ہے، اس کی تاریخ پانچ ہزار سال قبل مسیح تک پرانی ہے، دنیا بھر سے ہندو کٹاس راج کی یاترا کی خواہش رکھتے ہیں، یہ مقام تاریخ اور آثار قدیمہ میں دلچسپی رکھنے والوں کیلئے بھی باعث کشش ہے، یہی وہ مقام ہے جہاں البیرونی نے اپنی خدا داد صلاحیتوں کی بدولت زمین کا قطر دریافت کیا جو معمولی ردوبدل کے بعد جدید دور میں بھی رائج ہے۔

انہوں نے کہا کہ میری خوشی کا ایک اور سبب میرے سامنے موجود پانچ مذاہب کے ماننے والے پاکستانیوں کا یہ حسین اور نمائندہ اجتماع بھی ہے جو دنیا کو یہ پیغام دے رہا ہے کہ پاکستان میں بسنے والے مسلمان ہوں یا مسیحی، ہندو ہوں یا سکھ، پارسی ہوں یا بہائی سب کو برابر شہری سمجھا اور مانا جاتا ہے، یہ سب انسانیت کے ابدی رشتے میں بندھے ہوئے ہیں اور پاکستان کے دفاع، امن، ترقی اور خوشحالی کیلئے ہر شعبہ میں ہاتھوں میں ہاتھ ڈال کر کام کر رہے ہیں، ہم سب پاکستان کی تعمیر میں اپنا ہاتھ بٹا رہے ہیں اور ہم نے اپنے عمل سے اس تصور کو فروغ دیا ہے کہ مذہب سب کا اپنا اپنا لیکن انسانیت ہمارا مشترکہ اثاثہ ہے۔

وزیراعظم نے کہا کہ وہ ذاتی طور پر اقلیتوں کی خوشیوں میں شریک ہوتے ہیں اور دکھ سکھ بانٹتے ہیں کیونکہ بطور پاکستانی ہماری خوشیاں اور دکھ ایک جیسے ہیں، پاکستان میں سب مذاہب کے مقدس مقامات ہیں۔ اس حوالے سے انہوں نے صدیق الفاروق کو واضح تاکید کی کہ غیر ملکی یاتریوں کی میزبانی اور ان کے مذہبی مقامات کے تحفظ‘ تزئین و آرائش اور توسیع کے سلسلہ میں کوئی کسر نہ چھوڑی جائے‘ اقلیتوں کی خدمت سے جہاں پاکستان مضبوط اور نیک نام ہو گا وہاں اللہ تعالی بھی خوش ہو گا۔

انہوں نے اقلیتوں کی خدمات کا جو پروگرام مرتب کر رکھا ہے اور بابا گرو نانک اور گندھارا انٹرنیشنل یونیورسٹی بنانے کیلئے جو کاوشیں شروع کر رکھی ہیں ان کی تکمیل کیلئے انہیں میری ہر طرح کی معاونت حاصل رہے گی۔ وزیراعظم نے کہا کہ وہ دن دور نہیں جب انہی اقدامات کی بدولت بین الاقوامی سطح پر پاکستان کو ایک اقلیت دوست ملک کے طور پر جانا جائے گا۔

وزیراعظم نے کہا کہ جب اسلام کا سفر شروع ہوا تو مسلمان اس وقت قلیل تعداد میں تھے، انہیں مکہ مکرمہ میں اکثریت کے جبر کا سامنا تھا، اس جبر کی وجہ سے انہیں ہجرت کرنا پڑی لیکن جب مدینہ منورہ میں مسلمان اکثریت بن کر ابھرے

اس خبر کی تفصیل پڑھنے کیلئے یہاں پر کلک کیجئے

11/01/2017 - 20:59:39 :وقت اشاعت

:متعلقہ عنوان