برآمدکنندگان کیلئے 180 ارب روپے کا پیکج خوش آئند ہے ‘ افتخار بشیر

لاہور (اُردو پوائنٹ اخبارتازہ ترین - این این آئی۔ 11 جنوری2017ء) تاجر رہنما و صدر گرائنڈنگ ملز ایسوسی ایشن پاکستان چوہدری افتخار بشیر نے برآمدات کی مسلسل گرتی ہوئی صورتحال اور ملکی برآمدات کے فروغ کیلئے برآمد کنندگان کیلئے 180ارب روپے کے پیکیج کو خوش آئندقرار دیتے ہوئے کہا ہے کہ اس پیکیج سے ملکی برآمدات اور حکومتی زرمبادلہ کے ذخائر میں اضافہ ہوگا ۔

ان خیالات کا اظہار انہوںنے گرائنڈنگ ملز ایسوسی ایشن کے تاجروں کے وفد سے گفتگو کرتے ہوئے کیا۔ افتخار بشیر چوہدری نے کہا کہ برآمدات میں کمی کی بڑی وجہ انرجی کی بڑھتی ہوئی لاگت ہے جو کہ ہمارے ہمسایہ ممالک کے مقابلے میں کہیںزیادہ ہے۔ جی ایس پی پلس سٹیٹس کے باوجود پاکستان کی برآمدات مالی سال2015-16 میں 12.1فیصد کمی کے ساتھ 25 ارب ڈالر سی20.81 ارب ڈالرپر آ گئی ہیں جبکہ انھی حالات میںبنگلہ دیش کی برآمدات28 ارب ڈالر سے 34 ارب ڈالر تک پہنچ گئی ہیں جس سے پاکستانی برآمدات انٹرنیشنل مارکیٹ میں پسمائی پر مجبور ہیں، جسکی وجہ خطے میں بجلی اور گیس مہنگی ہونا اور بے جا قسم کے ٹیکس لگنا ہیں۔

(جاری ہے)

انہوںنے کہا کہ برآمدی پیکیج میںصنعتی مقاصد کیلئے بجلی کی قیمتوں میں کمی کی جائے تاکہ ملکی انڈسٹری اپنے پائوں پر کھڑی ہوسکے اور ملکی برآمدات میں اضافہ کرکے ملک کو خوشحالی کی راہ پر گامزن کرے۔