شام میں قتل و غارت گری اور بلوچستان میں جاری انڈیا کی سازشیں اسی سلسلہ کی کڑی ہیں‘پروفیسر حافظ محمد سعید
مسلم ملکوں میں منظم منصوبہ بندی کے تحت شیعہ سنی لڑائی جھگڑے اور فسادات کی آگ بھڑکائی جارہی ہے‘امریکہ، بھارت اور دیگر اتحادی ملک مسلمانوں کے باہمی اختلافات اور جھگڑوں سے فائدے اٹھا رہے ہیں‘المحمدیہ سٹوڈنٹس پر پابندیاں امریکہ کا تعلیم پر حملہ ہے‘انڈیا کی خوشنودی کیلئے لگائی جانے والی پابندیوں سے پریشان ہونے والے نہیں امیر جماعةالدعوة پاکستان کا جامع مسجد القادسیہ میں خطبہ جمعہ کے دوران خطاب
جمعہ 6 جنوری 2017 22:18
(جاری ہے)
کشمیری عوام مسلمانوں کو مدد کیلئے پکا ررہے ہیں۔وہ کلمہ طیبہ کی بنیاد پر پاکستان سے اپنے رشتے استوار کر تے اور اسے اپنا سب سے بڑ اوکیل سمجھتے ہیں۔
فلسطین، شام، برما اور دیگر خطوں میں بھی مسلمانوں کی عزتیں و حقوق محفوظ نہیں ہیں۔ نبی اکرم ؐ نے مسلمانوں کو عبادات کی طرح سیاست،معیشت و معاشرت کے طریقے بھی سکھلائے ہیں۔ مسلمانوں کا صرف مظلوم بن کر رہنا اللہ تعالیٰ کو پسند نہیں ہے۔جس طرح رسول مکرم ؐ کو مکہ مکرمہ سے ہجرت پر مجبور کیا گیا‘ پھر انہوں نے صحابہ کرام رضوان اللہ علیھم اجمعین کی جماعت تیار کی اور دوبارہ مکہ کو آزاد کروایا اسی طرح کشمیر، فلسطین،برما اور دوسرے خطوں کو کفار کے قبضہ سے چھڑانا بھی مسلم امہ کی ذمہ داری ہے۔ انہوںنے کہاکہ آج ہم قرآن وسنت کی دعوت پیش کرتے ہیں تو ہم پر پابندیاں لگائی جاتی ہیں۔ حال ہی میں امریکہ کی طرف سے جماعةالدعوة کے طلباء ونگ المحمدیہ سٹوڈنٹس پر پابندی لگائی گئی ہے۔المحمدیہ سے وابستہ طلباء تعلیمی اداروں میں نوجوانوں کوبیرونی سازشوں سے آگاہ کرتے اور مسلمانوں کو آپس میں جوڑنے کا کام کرتے ہیں۔ امریکیوں کو یہ باتیں کسی طور برداشت نہیں ہیں تاہم ‘ہم صاف طور پر کہتے ہیں کہ ان پابندیوں سے ہمارا حوصلہ بڑھتا ہے۔ نبی اکرم ؐ کی طرف سے بھی دین اسلام کی دعوت پیش کرنے پرانہیں رکاوٹوں او رپریشانیوں کا سامنا کرنا پڑا تھا۔ ہم بھی اللہ کے فضل و کرم سے زمین وآسمان کے پیدا کرنے والے کو اپنا رب مانتے ہیں ۔ ہم دشمنان اسلام کی غلامی قبول کرنے کیلئے تیار نہیں ہیں۔ حافظ محمد سعید نے کہاکہ المحمدیہ سٹوڈنٹس پر پابندیاں امریکہ کا تعلیم پر حملہ ہے۔یہ سب کچھ انڈیا کی خوشنودی کیلئے کیا جارہا ہے۔ ان پابندیوں سے پتہ چلتا ہے کہ ہمارے کام کی زد کفار پر پڑ رہی ہے۔ المحمدیہ سے تعلق رکھنے والے طلباء اللہ کے فضل و کرم سے نبی اکرم ؐ کے وارث اور سیرت رسول ؐ پر عمل کرنے والے ہیں۔ یہ پابندیاں پہلے کچھ بگاڑ سکی ہیں نہ آئندہ اس سے ہماری سرگرمیوں پر کوئی اثر پڑے گا۔ جس کیلئے آسمان سے دروازے کھلے ہوں اور اللہ تعالیٰ کی طرف سے کوئی پابندی نہ ہو دنیا پر لگائی گئی پابندیاںانہیں دین اسلام کی دعوت پیش کرنے سے نہیں روک سکتیں۔ضرورت اس امر کی ہے کہ بہتر حکمت عملی کے ساتھ د عوت دین کی خدمت کا عمل جاری رکھا جائے۔ حافظ محمد سعید نے کہاکہ نہتے کشمیری مسلمان اس وقت ظلم کی چکی میں پس رہے ہیں۔ پانچ جنوری کو کشمیریوں کا یوم حق خودارادیت منایا گیا ہے۔ ساری دنیا جانتی ہے کہ نہرو خود اس مسئلہ کو اقوا م متحدہ لیکر گیا اور وہاں جا کر دہائیاں دیں کہ کشمیر ہمارے ہاتھ سے نکل گیا تو پھر انڈیا پر بھی اس کا قبضہ برقرار نہیں رہے گا جس پر یو این کی جانب سے استصواب رائے کی قرارداد منظور کی گئی۔نہرو اچھی طرح جانتا تھا کہ کشمیر کی کیا اہمیت ہی لیکن ہمارے حکمرانوں کو اس کاصحیح طور پر احساس نہیں ہو رہا۔ کشمیری مسلمانوں کی قربانیاں ان شاء اللہ رائیگاں نہیں جائیں گی۔ اللہ تعالیٰ محض اللہ کی رضا کی خاطر دی گئی قربانیوں و شہادتوں کو ضرور نتیجہ خیز بنائے گا۔مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.