آئندہ حج سیزن سے مکہ مکرمہ میں اندرون اور بیرون ملک سے آنیوالے حجاج کرام کی تعداد بڑھانے کی منظوری

جمعہ 6 جنوری 2017 18:09

ریاض (اُردو پوائنٹ اخبارتازہ ترین - این این آئی۔ 06 جنوری2017ء) سعودی عرب کے فرمانروا شاہ سلمان بن عبدالعزیز نے آئندہ حج سیزن سے مکہ مکرمہ میں اندرون اور بیرون ملک سے آنیوالے حجاج کرام کی تعداد بڑھانے کی منظوری دے دی۔

(جاری ہے)

عرب ٹی وی کے مطابق سعودی عرب کے وزیر حج اور عمرہ ڈاکٹر محمد بن صالح بن طاہر بنتن نے اس خبرکی تصدیق کردی ہے، جبکہ شاہ سلمان، ولی عہد شہزادہ محمد بن نایف اور نائب ولی عہد شہزادہ محمد بن سلمان کی جانب سے حجاج کرام کی تعداد بڑھانے پر شاہ سلمان بن عبدالعزیز کا شکریہ بھی ادا کیا۔

ولی عہد ،نائب وزیراعظم اور وزیر داخلہ شہزادہ محمد بن نایف نیاس بات پر زوردیاکہ عازمین حج کی تعداد بتدریج بڑھائی جائے گی۔ انھوں نے مزید بتایا کہ مکہ مکرمہ میں مزید حجاج کرام کی رہائش اور دیکھ بھال کے لیے اضافی انتظامات کیے جائیں گے۔