صومالیہ ،شدت پسندوں کا سکیورٹی فورسز کی چوکی پر حملہ6 افراد ہلاک اور 7 زخمی

ہلاک و زخمی ہونے والوں میں سکیورٹی فورسز کے اہلکار بھی شامل

جمعہ 30 دسمبر 2016 18:09

صومالیہ(اُردو پوائنٹ اخبارتازہ ترین - آئی این پی۔ 30 دسمبر2016ء) صومالیہ میں شدت پسندوں نے سکیورٹی فورسز کی چوکی پر حملہ کر دیا جس میں چھ افراد ہلاک اور سات زخمی ہو گے ، ہلاک و زخمی ہونے والوں میں سکیورٹی فورسز کے اہلکار بھی شامل ہیں۔امریکی خبر رساں ادارے کے مطابق صومالیہ میں شدت پسندوں نے سکیورٹی فورسز کی ایک چوکی پر حملہ کر دیا جس میں کم از کم چھ افراد ہلاک اور سات دیگر زخمی ہو گئے۔

حملے میں ہلاک و زخمی ہونے والوں میں سکیورٹی فورسز کے اہلکار بھی شامل ہیں۔یہ حملہ دارالحکومت موغادیشو کے جنوب مغرب میں افگوئے نامی قصبے میں ہوا۔مقامیزرائعکے مطابق سرکاری فورسز کی ایک چوکی پر دھاوا بولنے سے قبل بھاری ہتھیاروں سے لیس جنگجوؤں نے پوزیشن سنبھالی۔حملہ آور کی تعداد ایک سو کے قریب تھی۔

(جاری ہے)

صومالیہ کے علاقے لوئرشبیلی کے گورنر ابراہیم ادن علی کے مطابق سرکاری فورسز کے اہلکار دہشت گردوں کے ایک اچانک حملے کی زد میں آئے۔

گورنر کے مطابق سرکاری فوجی حملے کو پسپا کرنے میں کامیاب رہے۔اٴْنھوں نے بتایا کہ ’’جنگجوؤں نے ایک مرتبہ پھر ہم پر حملہ کیا اور سرکاری سکیورٹی فورسز کی چوکی پر قبضہ کرنے کی کوشش کی، لیکن اس مرتبہ ہم نے اٴْنھیں سبق سکھا دیا ہے۔گورنر ابراہیم ادن علی نے دعویٰ کیا کہ اس حملے میں دو جنگجو مارے گئے جب کہ اٴْن کے چھ ساتھی زخمی ہوئے۔ملک میں سرگرم شدت پسند تنظیم الشباب نے اس حملے کی ذمہ داری قبول کرنے کا دعویٰ کیا ہے اور کہا کہ اس میں چھ سرکاری فوجی مارے گئے۔

متعلقہ عنوان :