آسٹریلیا نے ڈرا ٹیسٹ کو جیت میں بدل کر پاکستان سے دوسرا میچ اور سیریز بھی جیت لی
برسبین ٹیسٹ کی دوسری اننگز میں دلیرانہ بیٹنگ کرنے والی پاکستانی ٹیم میلبورن ٹیسٹ کی دوسری اننگز میں پھر پرانی ڈگر پر چل پڑی میزبان ٹیم کی181رنز کی برتری اتارنے کیلئے سفر کا آغاز کرنیوالی پاکستان کی پوری ٹیم 53.2اوورز میں 163رنز بناکر پویلین لو ٹ گئی
جمعہ 30 دسمبر 2016 15:18
(جاری ہے)
میلبورن میں کھیل کے پانچویں دن آسٹریلیا نے 465رنز چھ کھلاڑی آئوٹ سے اپنی اننگز دوبارہ شروع کی تو آسٹریلین کپتان اسٹیون اسمتھ 100رنز پر بیٹنگ کر رہے تھے۔مچل اسٹارک نے کپتان کے ساتھ تیز رفتاری سے بیٹنگ کا سلسلہ شروع کیا اور پاکستانی بالرز خصوصاً یاسر شاہ کی خوب خبر لی۔
دونوں کھلاڑیوں نے دن کے ابتدائی 26اوورز میں 143رنز جوڑ کر پاکستانی ٹیم کے لئے خطرے کی گھنٹی بجا دی ۔مچل اسٹارک نے تین چوکوں اور سات فلک بوس چھکوں کی مدد سے 91گیندوں پر 84رنز بنائے اور اسٹیون اسمتھ کے ساتھ ساتویں وکٹ کیلئے 154رنز جوڑے۔جب 624کے اسکور پر ناتھن ناٹ آئوٹ ہوئے تو اسٹیون اسمتھ نے اننگز ڈکلیئر کرنے کا اعلان کردیا انہوں نے 165رنز بنائے۔آسٹریلیا نے پہلی اننگز میں 181رنز کی برتری حاصل کی۔سہیل خان وہاب ریاض اور یاسر شاہ نے 100 سے زائد رنز دے ڈالے جن میں سب سے مہنگے یاسر شاہ رہے جنہوںنے تین وکٹوں کے حصول کے لیے 41اوورز میں 207دئیے۔محمد عامر کو 91رنز دے کر بھی کوئی وکٹ نہ مل سکی۔جواب میں پاکستانی ٹیم روایتی طور پر نروس نظر آئی اور تین رنز پر سمیع اسلم سے محروم ہو گئی۔کھانے کے وقفے کے بعد دوسرے سیشن میں چار وکٹیں گر گئیں۔ بابراعظم کھانے کے وقفے کے بعد پہلے ہی اوور میں صرف تین رنز بناکر مچل سٹارک کی گیند پر ایل بی ڈبلیو ہوئے۔نیتھن لائن نے یونس خان اور مصباح الحق کو صرف تین گیندوں میں پویلین بھیج کر آسٹریلوی جیت کے امکانات پیدا کردئیے۔یونس خان نے 24رنز بنائے لیکن کپتان مصباح الحق دوسری ہی گیند پر صفر پر آئوٹ ہوگئے۔مصباح الحق شارجہ ٹیسٹ کی پہلی اننگز میں نصف سنچری سکور کرنے کے بعد مسلسل سات اننگز میں قابل ذکر سکور نہیں کر سکے ۔یونس خان بھی شارجہ ٹیسٹ کی پہلی اننگز میں نصف سنچری کے بعد سے نو اننگز میں صرف ایک نصف سنچری بنانے میں کامیاب ہوسکے ہیں۔پاکستانی ٹیم کی مشکلات اس وقت بڑھ گئیں جب لائن اسد شفیق کی وکٹ بھی 16کے سکور پر حاصل کرنے میں کامیاب ہوگئے۔پہلی اننگز کے ڈبل سنچری میکر اظہرعلی نے اس بار بھی اعتماد سے بیٹنگ کی تاہم ان کی 43رنز کی اننگز کا خاتمہ ہیزل ووڈ نے ایل بی ڈبلیو کرکے کردیا۔چائے کے وقفے کے بعد پاکستان کی میچ بچانے کی امیدیں سرفراز احمد اور محمد عامر سے وابستہ تھیں لیکن یہ دونوں بھی آسٹریلوی بولنگ کے قابو میں آگئے۔محمد عامر کو 11رنز پر جیکسن برڈ نے بولڈ کر دیا۔ سرفراز احمد 43رنز بنا کر مچل سٹارک کی گیند پر بولڈ ہوئے تو پاکستان کا سکور آٹھ وکٹوں پر 153رنز تھا۔آسٹریلوی ٹیم کو آخری دو وکٹوں کے لیے زیادہ انتظار نہیں کرنا پڑا۔مچل سٹارک نے وہاب ریاض کو صفر پر بولڈ کردیا اور پھر یاسر شاہ کو بھی صفر پر برڈ کے ہاتھوں کیچ کرا کر پاکستانی ٹیم کی بساط 163رنز پر لپیٹ دی۔آسٹریلین کپتان اسٹیون اسمتھ کو میچ کا بہترین کھلاڑی قرار دیا گیا۔مزید کھیلوں کی خبریں
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
-
ریکارڈ ساز ایتھلیٹ یوسین بولٹ آئی سی سی ٹی20 ورلڈکپ کیلئے سفیر مقرر
-
قطر انٹرنیشنل جونیئر اسکواش چیمپئن شپ میں پاکستان کے عبداللہ زمان فائنل میں پہنچ گئے، ریان زمان سیمی فائنل ہار گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.