کرکٹ آسٹریلیا نے سال کی بہترین ٹی ٹوئنٹی ٹیم میں آفریدی کو بھی شامل کرلیا،ویرات کوہلی کپتان مقرر

جمعہ 30 دسمبر 2016 14:50

سڈنی(اُردو پوائنٹ اخبارتازہ ترین - آئی این پی۔ 30 دسمبر2016ء) کرکٹ آسٹریلیا نے اپنی سال کی بہترین ٹی ٹوئنٹی ٹیم میں پاکستانی آل راؤنڈر شاہد آفریدی کو بھی شامل کرلیا ہے۔آسٹریلیا نے کپتان ویرات کوہلی کو مقرر کیا گیا ہے، بیٹنگ آرڈر کی ترتیب سے اس ٹیم میں ڈیوڈ وارنر، جیسن رائے، ویرات کوہلی (کپتان)، اے بی ڈی ویلیئرز، آندرے رسل، جوز بٹلر، فرحان بہردیان، شاہد آفریدی، جسپریت بمراہ، ایڈم زامپا اور مستفیض الرحمان شامل ہیں۔

(جاری ہے)

شاہد آفریدی کو آٹھویں نمبر پر رکھنے کی وجہ ان کی بیٹنگ سے زیادہ بولنگ پرفارمنس کو قرار دیتے ہوئے کہا گیا کہ آفریدی نے پاکستان سپرلیگ میں پشاورزلمی کی جانب سے 7 رنز کے عوض کیریئر بیسٹ5 وکٹیں لیں، اگرچہ ہیمپشائر کی جانب سے وہ زیادہ وکٹیں نہیں لے سکے مگر انگلش بیٹسمینوں کو انھیں کھیلنے میں دشواری کا سامنا رہا، انہوں نے اپنی بہترین فارم بنگلہ دیش پریمیئر لیگ میں بھی جاری رکھی جہاں پر وہ 17 وکٹیں لینے میں کامیاب رہے، وہ 2016 کے ٹاپ 10 ٹی 20 بولرز میں شامل ہوئے، ان میں آفریدی کا اکانومی ریٹ بہترین تھا۔

Facebook Twitter Google + Share on Whatsapp

کرکٹ آسٹریلیا نے سال کی بہترین ٹی ٹوئنٹی ٹیم میں آفریدی کو بھی شامل کرلیا،ویرات کوہلی کپتان مقرر

متعلقہ عنوان :

مزید کھیلوں کی خبریں