فوجی عدالتوں کی مدت میں توسیع سے قبل اب تک حاصل ہونیوالے مقاصد سے آگاہ کیا جائے، تحریک انصاف کا مطالبہ

جمعرات 29 دسمبر 2016 21:25

اسلام آباد (اُردو پوائنٹ اخبارتازہ ترین - این این آئی۔ 29 دسمبر2016ء) تحریک انصاف نے فوجی عدالتوں کی مدت میں توسیع کی خبروں پر حکومت سے وضاحت کا مطالبہ کردیا۔ حکومت فوجی عدالتوں کی مدت میں توسیع سے قبل نظام عدل میں کی گئی اصلاحات سے آگاہ کرے۔

(جاری ہے)

تفصیلات کے مطابق پاکستان تحریک انصاف کے ترجمان فواد چوہدری نے اپنے ایک بیان میں حکومت سے مطالبہ کیا ہے کہ وہ فوجی عدالتوں کی مدت میں توسیع سے قبل اب تک حاصل ہونے والے مقاصد سے آگاہ کرے۔

انہوں نے کہا کہ متوازی نظامِ انصاف کے قیام کا فیصلہ کل جماعتی کانفرنس میں کیا گیاتھا۔ حکومت بتائے کہ فوجی عدالتوں میں مزید توسیع کی کیا ضرورت ہی انہوں نے کہا کہ اس ضمن میں تحریک انصاف حزب اختلاف کی جماعتوں سے باضابطہ مشاورت کے بعد ہی کوئی فیصلہ لے گی۔