کراچی میںشدید دھندکے باعث قائدآباد انٹر نیشنل ایئرپورٹ پر 9 پروازیں متاثر اور سپرہائی وے سمیت مختلف شاہراہوں پر ٹریفک2گھنٹے تک مشکلات کا شکار

جمعرات 29 دسمبر 2016 11:35

اسلام آباد ۔ (اُردو پوائنٹ اخبارتازہ ترین - اے پی پی۔ 29 دسمبر2016ء) کراچی میںشدید دھندکے باعث قائدآباد انٹر نیشنل ایئرپورٹ پر 9 پروازیں متاثر اور سپرہائی وے سمیت مختلف شاہراہوں پر ٹریفک2گھنٹے تک مشکلات کا شکار رہی۔ نجی ٹی وی کے مطابق کراچی میں شارع فیصل ائیرپورٹ سگنل سے ملیر ہالٹ ،ملیر ہالٹ سے قائد آباد، اسٹیل ٹاون، نیشنل ہائی وے اور سپرہائی وے ڈی ایچ اے سٹی کے مقام پر بھی شدید دھند کے باعث ٹریفک کی روانی متاثر ہوئی، تاہم 2گھنٹے بعد دھند چھٹنا شروع ہوئی اور حد نگاہ بھی 100میٹر سے بڑھ کر4.2 کلومیٹر تک پہنچ گئی ہے۔

دوسری جانب ایئرپورٹ پر فلائٹ انکوائری کا کہنا ہے کہ دھند کے باعث ملکی اورغیر ملکی 9پروازیں متاثر ہوئی ہیں۔ مسقط سے کراچی آنیوالی پرواز کی آمد میں ساڑھی3 گھنٹے تاخیر کا شکار ہے۔

(جاری ہے)

پرواز جمعرات کی صبح 6 بجے کی بجائے ساڑھی9 بجے کراچی پہنچی ۔ائیر پورٹ انکوائری کے مطابق دوحہ سے کراچی کی پرواز کی آمد میں آدھے گھنٹے کی تاخیر ہوئی ۔ پرواز صبح ساڑھی7 بجے کی بجائے 8بجے پہنچی، جدہ سے کراچی آنی والی پی آئی اے کی پروازسوا 8بجے پہنچی جبکہ جدہ سے کراچی آنی والی پرواز کو ساڑھے تین بجے صبح پہنچنا تھا اوردبئی سے کراچی کی پرواز صبح 8 بجے پہنچی جسے رات ساڑھے 3 بجے لینڈ کرنا تھا۔ واضح رہے کہ استنبول، دمام اور جدہ سے آنے والی پروازیں بھی تاخیر کا شکار ہوئیں۔

Facebook Twitter Google + Share on Whatsapp

کراچی میںشدید دھندکے باعث قائدآباد انٹر نیشنل ایئرپورٹ پر 9 پروازیں متاثر اور سپرہائی وے سمیت مختلف شاہراہوں پر ٹریفک2گھنٹے تک مشکلات کا شکار

متعلقہ عنوان :

مزید اہم خبریں