صدر مملکت سے ڈی جی آئی ایس آئی لیفٹیننٹ جنرل نوید مختار کی ملاقات ، ذمہ داریا ںسنبھالنے پر مبارکباد دی

دہشت گردی ،شدت پسندی کے خاتمے میں آئی ایس آئی کا کردار قابل تحسین ہے،امید ہے مستقبل میں بھی قوم کی توقعات پر پورا اتریگی، ممنون حسین

بدھ 28 دسمبر 2016 20:46

اسلام آباد (اُردو پوائنٹ اخبارتازہ ترین - این این آئی۔ 28 دسمبر2016ء) صدر مملکت ممنون حسین سے ڈی جی آئی ایس آئی لیفٹیننٹ جنرل نوید مختار نے ملاقات کی۔

(جاری ہے)

جاری بیان کے مطابق صد ر مملکت ممنون حسین نے لیفٹیننٹ جنرل نوید مختار کو بطور ڈی جی آئی ایس آئی ذمہ داریاں سنبھالنے پر مبارک باد دی اور امید ظاہر کی کہ وہ اپنی ذمہ داریاں احسن طریقے سے انجام دیں گے۔صدر مملکت نے دہشت گردی اور شدت پسندی کے خاتمے کے لیے آئی ایس آئی کے کردار کو سراہتے ہوئے کہا کہ آئی ایس آئی نے وطن عزیز کے تحفظ کیلئے بہت قربانیاں دی ہیں۔ صدر مملکت نے اس امید کا اظہار کیا کہ آئی ایس آئی مستقبل میں بھی قوم کی توقعات پر پورا اتریگی۔