پاک فوج کے سربراہ جنرل قمر جاوید باجوہ نے دہشت گردی میں ملوث مزید 8دہشت گردوں کی سزائے موت اور3دہشت گردوں کی عمر قید کی سزائوں کی توثیق کردی
بدھ 28 دسمبر 2016 20:11
(جاری ہے)
آئی ایس پی آر سے جاری تفصیلات کے مطابق حافظ محمد عمر الیاس ولد افضل احمد ‘علی رحمان الیاس ولد آصف الرحمان ‘عبدالسلام الیاس /رضوان عظیم ولد محمد نذر اللہ اسلام اور خرم شفیق الیاس عبداللہ منصور /عبداللہ منصوری ولد محمد شفیق کالعدم تنظیم کے متحرک کارکنان تھے ۔
ان چاروں دہشت گردوں نے صفورہ گوٹھ کے مقام پر اسماعیلی برادری کی بس پر حملہ کیا جس کے نتیجے میں 45افراد جاں بحق ہوئے تھے ۔یہ دہشت گرد سماجی کارکن سبین محمود کے قتل میں بھی ملوث تھے ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر عدالت نے انھیں سزائے موت سنائی تھی ۔مسلم خان ولد عبدالرشید کالعدم تنظیم کا ترجمان تھا ۔یہ معصوم شہریوں ‘مسلح افواج اور قانون نافذ کرنے والے اداروں پر حملوں میں ملوث تھا جس کے نتیجے میں انسپکٹر شیر علی سمیت 31افراد جاںبحق اور 69افراد زخمی ہوئے تھے ۔یہ پاک فوج کے کپتان نجم ریاض راجہ ‘کپتان جنید خان ‘نائیک شاہد رسول اور لانس نائیک شکیل احمد کو ذبح کرنے اور تاوان کے لئے دو چینی انجینئرز اور ایک مقامی شہری کو اغواء کرنے کی کارروائیوں میں ملوث تھا ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر عدالت نے اسے سزائے موت سنائی تھی ۔محمد یوسف ولد خالد خان کالعدم تنظیم کا ممبر تھا ۔یہ مسلح افواج ‘قانون نافذکرنے والے اداروں پر حملوں میں ملوث تھا جس کے نتیجے میں 4فوجی جوان جاں بحق اور 19افراد زخمی ہوئے تھے ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر سزائے موت سنائی تھی ۔سیف اللہ ولد نجیب حسین کالعدم تنظیم کا رکن تھا ۔یہ معصوم شہریوں ‘ قانون نافذ کرنے والے اداروں پر حملوں میں ملوث تھا جس کے نتیجے میں اے ایس آئی فرید خان اورپولیس کانسٹیبل جاں بحق اور متعدد اہلکار زخمی ہوئے تھے ۔اس کے قبضے سے دھماکہ خیز مواد اور بھاری اسلحہ بھی برآمد کیا گیا ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر عدالت نے اسے سزائے موت سنائی تھی ۔بلال محمود ولد قاری محمود الحسن کالعدم تنظیم کا رکن تھا ۔ یہ قانون نافذکرنے والے اداروں پر حملوں میں ملوث تھا جس کے نتیجے میں دو پولیس اہلکار جاں بحق اور 4زخمی ہوئے تھے ۔اس کے قبضے سے دھماکہ خیز مواد اور اسلحہ بھی برآمد کیا گیا ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر سزائے موت سنائی تھی ۔سرتاج علی ولد بخت افسر کالعدم تنظیم کا رکن تھا ۔یہ دہشت گردوں کی مالی معاونت سمیت دیگر سرگرمیوں میں ملوث تھا ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر عدالت نے اسے عمر قید کی سزا سنائی تھی ۔محمود خان ولد بخت بلند کالعدم تنظیم کا رکن تھا ۔یہ چائنیز انجینرز کو تاوان کے لئے اغواء کرنے کی کارروائی میں ملوث تھا ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر عدالت نے اسی20 سال قید کی سزا سنائی تھی ۔فضل غفار ولد عاقل خان کالعدم تنظیم کا رکن تھا ۔یہ پولیس سٹیشن شموزئی پر حملے میں ملوث تھا ‘پولیس سٹیشن سے پولیس افسران اور ایف سی کے جوانوں کو اغواء کیا گیا ۔ٹرائل کورٹ اور مسجٹریٹ کے سامنے تمام جرائم کا اعتراف کرنے پر عدالت نے اسے 20سال قید کی سزاسنائی تھی ۔متعلقہ عنوان :
مزید اہم خبریں
-
تعلیم کے بغیر کوئی قوم ترقی نہیں کر سکتی، پاکستانی قوم عزم و حوصلہ سے کسی بھی چیلنج پر قابو پانے کی صلاحیت رکھتی ہے، وزیراعظم محمد شہباز شریف کا شعبہ تعلیم سے متعلق قومی کانفرنس سے خطاب، تعلیمی ایمرجنسی ..
-
وفاقی وزیرداخلہ محسن نقوی کا نان ڈویلپ سکیٹرز کو فوری ڈویلپ کرنے اور اسلام آباد کی اراضی کو ڈیجیٹلائز کرنے کی ہدایات
-
9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا، بانی پی ٹی آئی
-
شیرافضل مروت کی بانی پی ٹی آئی سے ملاقات نہ کرسکے
-
توشہ خانہ کیس،عمران خان، بشریٰ بی بی کی نیب طلبی کیخلاف درخواست پر فریقین کو نوٹس جاری
-
پاکستان کی بڑی کامیابی،آئی کیوب قمر چاند کے مدار میں داخل
-
وزیراعظم کا ایرانی صدر کے حالیہ دورے میں طے معاہدوں پر بلا تاخیر عمل درآمد کا حکم
-
ملین پاؤنڈ ریفرنس، عمران خان، بشریٰ بی بی کیخلاف مزید ایک گواہ کا بیان قلمبند، ایک پر جرح مکمل
-
حکومت اور ایجنسی کیخلاف مداخلت کے الزامات کا جواب اٹارنی جنرل کے ذریعے جمع کرانے کا حکم
-
امریکا کی کال آنے سے قبل عمران خان کو رہا کرنا چاہیے، مشاہد حسین
-
نائب وزیراعظم اسحاق ڈار اور ازبک وزیر خارجہ نے دفتر خارجہ میں پودا لگایا
-
ایم ایل ون ملک کے مواصلات اور تجارت کے شعبوں کے لیے ناگزیر ہے، احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.