دنیا کے گرد چکر لگانے کا نیا ریکارڈ فرانسیسی تیراک کے نام

اڑتالیس سالہ تھامس نے یہ ریکارڈ 49 دن، تین گھنٹے، سات منٹ اور 38 سکینڈوں میں دنیا کے گرد چکر لگا کر قائم کیا

پیر 26 دسمبر 2016 20:50

پیرس(اُردو پوائنٹ اخبارتازہ ترین - آن لائن۔ 26 دسمبر2016ء) فرانسیسی تیراک تھامس کوویلے نے کشتی کے ذریعے تن تنہا 12 دنوں تک بنا رکے دنیا کے گرد چکر لگانے کا نیا ریکارڈ قائم کیا ہے۔اڑتالیس سالہ تھامس نے یہ ریکارڈ 49 دن، تین گھنٹے، سات منٹ اور 38 سکینڈوں میں دنیا کے گرد چکر لگا کر قائم کیا۔اس سے قبل یہ ریکارڈ فرانس ہی کے فرانسزجویون کے پاس تھا جنھوں نے یہ سفر 2008 میں 57 دنوں، 13 گھنٹوں، 34 منٹوں اور چھ سکینڈوں میں مکمل کیا تھا۔

(جاری ہے)

تھامس کوویلے نے اپنا یہ سفر فرانس کے شہر بریسٹ سے چھ نومبر کو شروع کیا تھا جس کے دوران وہ ایک وقت میں بمشکل تین گھنٹوں سے زیادہ نیند کرتے تھے۔ریکارڈ اپنے نام کرنے کے بعد اپنے اس سفر کے بارے میں انھوں نے بتایا کہ ’ذہنی طور پر اتار چڑھاؤ تو آئے لیکن مجھے معلوم تھا کہ مجھے کہاں تک جانا ہے۔‘انھوں نے لے پیریزیئن اخبار کو بتایا کہ ’جسمانی طور پر میں اس سے آگے نہیں جا سکتا تھا۔‘تھامس اس سے قبل اس ریکارڈ کو توڑنے کی پانچ کوششیں کر چکے ہیں۔۔