سپورٹس ڈیسک*

میلبورن ٹیسٹ؛ یونس خان کے ریویو نے نئی بحث چھیڑ دی یونس خان نے ریویو لینے میں تاخیر نہیں کی، گیند کافی اونچی لگنے کی وجہ سے تھرڈ امپائر نے فیصلہ بیٹسمین کے حق میں دیا

پیر 26 دسمبر 2016 17:11

میلبورن(اُردو پوائنٹ اخبارتازہ ترین - آن لائن۔ 26 دسمبر2016ء) جوش ہیزل ووڈ کی گیند پیڈ پر لگتے ہی اپیل پر امپائر نے انگلی فضا میں بلند کردی یونس خان کے ریویو لینے کے بعد تھرڈ امپائر نے فیصلہ بیٹسمین کے حق میں دے دیا۔

(جاری ہے)

میلبورن ٹیسٹ کے پہلے روز یونس خان کے ریویو نے نئی بحث چھیڑ دی، کینگرو پیسر جوش ہیزل ووڈکی ایک گیند سینئر بیٹسمین کے پیڈ پر لگتے ہی فیلڈرز کی زوردار اپیل پر امپائر ای این گولڈ نے انگلی فضا میں بلند کردی، یونس خان نے ریویو لینے میں تاخیر نہیں کی، گیند کافی اونچی لگنے کی وجہ سے تھرڈ امپائر نے فیصلہ بیٹسمین کے حق میں دیا، لیکن لیگ بائی کا رن بننے کے باوجود یونس خان نے ہی اگلی گیند کا سامنا کیا تو شائقین اور مبصرین میں ایک نئی بحث چھڑ گئی کہ ریویو ناکام ہوا تو رن کیوں نہیں ملا، اگر کوئی کھلاڑی ریویو میں رن آؤٹ سے بچ جائے تو اس کا رن مکمل سمجھا جاتا ہے، کسی ون ڈے میچ کی آخری گیند پر کامیاب ریویو کے بعد لیگ بائی کا رن نہ ملے تو بیٹنگ کرنے والی ٹیم فتح سے محروم ہوسکتی ہے۔