یوم قائدکی تقریبات کے سلسلے میں راولپنڈی آرٹس کونسل میں سٹیج ڈرامہ ’’ گھرتوآخراپنا ہے‘‘ کی پیشکش

محمد نوازشریف کی قیادت میں ملک ترقی کررہا ہے ، طاہرہ اورنگزیب

پیر 26 دسمبر 2016 16:45

اسلام آباد ۔ (اُردو پوائنٹ اخبارتازہ ترین - اے پی پی۔ 26 دسمبر2016ء) یوم قائدکی تقریبات کے سلسلے میں راولپنڈی آرٹس کونسل کے زیراہتمام قومی یکجہتی کے موضوع پر سٹیج ڈرامہ ’’گھرتوآخراپنا ہے‘‘ پیش کیا گیا۔ڈرامہ ساجدمنظورنے تحریرجبکہ منورآفریدی نے ہدایات دی تھیں۔ممبرقومی اسمبلی طاہرہ اورنگزیب، ناہیدمنظوراورریذیڈنٹ ڈائریکٹروقاراحمدکے ہمراہ مہمانِ خصوصی تھیں جبکہ فنکاروں میں علی شان، لائبہ علی، لبنیٰ شہزادی، ریحا یوسف، منورآفریدی اورشہزادپپوشامل تھے۔

ڈرامہ کا مرکزی خیال تھا کہ پاکستان ایک گلدستہ ہے اورپانچوں صوبے ان میں لگے پھول ہیں۔ڈرامہ کے اختتام پرخطاب کرتے ہوئے ایم این اے طاہرہ اورنگزیب کا کہنا تھا کہ قومی یکجتی سے دشمن طاقتوں کا مقابلہ کیا جا سکتا ہے ۔

(جاری ہے)

انھوں نے کہا کہ میاں نوازشریف کی قیادت میں ملک اس لیے ترقی کررہا ہے کہ وہ تمام صوبوں کوساتھ لے کرچل رہے ہیں۔طاہرہ اورنگزیب کا کہنا تھا کہ ڈرامہ کا موضوع بہت اچھا تھا جس سے لوگوں کوبہترین پیغام ملے گا۔انھوں نے کہا کہ راولپنڈی آرٹس کونسل ہمیشہ معیاری پروگراموں کا انعقادکرتی ہے۔ناہیدمنظورنے کہا کہ قومی یکجتی وقت کی اہم ضرورت ہے جس سے امن یقینی ہوگا۔ریذیڈنٹ ڈائریکٹروقاراحمدکا کہنا تھا کہ یوم قائدکے موقع پرتمام اختلافات بھلا کرایک ہونا چاہیے۔