قائد اعظم کی زندگی اور حالات وواقعات پر مبنی سرکاری ویب سائٹ بنانے سے متعلق قرارداد پنجاب اسمبلی میں جمع

پیر 26 دسمبر 2016 13:46

لاہور(اُردو پوائنٹ اخبارتازہ ترین - این این آئی۔ 26 دسمبر2016ء) پاکستان تحریک انصاف کے رکن پنجاب اسمبلی ڈاکٹر مراد راس نے قائد اعظم کی زندگی اور حالات وواقعات پر مبنی سرکاری ویب سائٹ بنانے سے متعلق قرارداد پنجاب اسمبلی میں جمع کروا دی ۔

(جاری ہے)

جس کے متن میں حکومت پاکستان سے مطالبہ کیا گیا ہے کہ قائد اعظم محمد علی جناح کی زندگی اور حالات و واقعات پر سرکاری ویب سائٹ بنائی جائے تاکہ عام آدمی کی پہنچ میں تمام معلومات ہوںکیونکہ کچھ لوگ قائد اعظم سے غلط حوالے منسوب کر کے قوم کو گمراہ کرنے کی کوشش کرتے ہیں۔

قائد اعظم کے افکار و خیالات کو عام کرنے کے لئے حکومت کو عملی اقدامات کرنے کی ضرورت ہے ان کے یوم ولادت پر حکومت کی طرف سے صرف بیانات جاری کر دینے سے اُن کے افکار لوگوں تک نہیں پہنچیں گے۔