قومی اسمبلی میں سب سے کم حاضر رہنے والے ارکان میں پیپلزپارٹی کے علی محمد مہر پہلے نمبر پر

پی ٹی آئی چیئرمین عمران خان دوسرے اور مسلم لیگ(ن) کے حمزہ شہباز شریف تیسرے نمبر پر رہے وزیر پارلیمانی امور شیخ آفتاب 98فیصد حاضریوں کے ساتھ سب سے زیادہ مرتبہ ایوان میں آئے ، وزیراعظم نوازشریف صرف61مرتبہ ایوان میں حاضر ہوئے،جائزہ رپوٹ

ہفتہ 24 دسمبر 2016 22:20

قومی اسمبلی میں سب سے کم حاضر رہنے والے ارکان میں پیپلزپارٹی کے علی ..

اسلام آباد(اُردو پوائنٹ اخبارتازہ ترین - آئی این پی۔ 24 دسمبر2016ء) قومی اسمبلی میں گزشتہ تین سالوں میں سب سے کم حاضر رہنے والے ارکان میں پیپلزپارٹی کے علی محمد خان مہر پہلے ، تحریک انصاف کے چیئرمین عمران خان دوسرے اور مسلم لیگ(ن) کے رہنما حمزہ شہباز شریف تیسرے نمبر پر رہے جبکہ وزیر پارلیمانی امور شیخ آفتاب 98فیصد حاضریوں کے ساتھ سب سے پہلے نمبر پر رہے ، وزیراعظم نوازشریف صرف61مرتبہ ایوان میں آئے ۔

(جاری ہے)

قومی اسمبلی سیکرٹریٹ کی جائزہ رپورٹ کے مطابق گزشتہ تین سالوں میں ایوان میں سب سے کم حاضر ہونے والے اراکین میں پہلے نمبر پر پیپلزپارٹی کے علی محمد خان مہر، دوسرے نمبر پرتحریک انصاف کے چیئرمین عمران خان جبکہ تیسرے نمبر پر مسلم لیگ(ن) کے رہنما حمزہ شہباز شریف رہے ۔ سپیکر قومی اسمبلی ایاز صادق کی حاضریوں کا تناسب84فیصد اور قائد حزب اختلاف سید خورشید کا 56فیصد رہا۔وزیرپارلیمانی امور شیخ آفتاب ایوان میں آنے والے سب سے زیادہ اراکین میں پہلے نمبر پر رہے جن کی حاضریوں کا تناسب98فیصد رہا۔ فریال تالپور36مرتبہ ایوان میں آئیں ۔ وزیراعظم نوازشریف صرف61مرتبہ ایوان میں آئے ۔ ایوان میں اہم وزراء صرف وزیراعظم کی آمد کے موقع پر ہی نظر آئے ۔