نیشنل پریس کلب اسلام آباد کے سالانہ انتخابات2017ء کے لئے پولنگ 05 جنوری کوہو گی

اسلام آباد ۔ (اُردو پوائنٹ اخبارتازہ ترین - اے پی پی۔ 22 دسمبر2016ء) نیشنل پریس کلب اسلام آباد کے سالانہ انتخابات2017ء کے لئے پولنگ 05 جنوری کوہو گی، الیکشن کمیٹی نے جمعرات کوایک پریس ریلیز میں انتخابی شیڈول جار کر دیا ہے۔ الیکشن کمیٹی نے نیشنل پریس کلب میں منعقد ہونے والے اپنے اجلاس میں الیکشن شیڈول کو حتمی شکل دی۔ اقبال جعفری، ناصر میر، چوہدری احسن پریمی اور منور نقوی نے اجلاس میں شرکت کی۔

شیڈول کے مطابق کاغذات نامزدگی 23 سے 26 دسمبر تک شام تین بجے سے سات بجے تک وصول کئے جائیں گے، سکروٹنی اور امیدواروں کی ابتدائی فہرست27 دسمبر کو آویزاں کی جائے گی۔ کاغذات کا معائنہ 28 دسمبر کو شام چار بجے سے سات بجے تک کیا جائے گا۔کاغذات نامزدگی پر اعتراضات 29 دسمبر کو شام چار سے سات بجے تک داخل کروائے جا سکیں گے ۔

(جاری ہے)

اعتراضات پر شنوائی 30 دسمبر کو شام چار سے سات بجے تک کی جائے گی۔

امیدواروں کی عبوری فہرست 30 دسمبر کو رات 10 بجے آویزاں کی جائے گی۔ کاغذات نامزدگی 31 دسمبر کو زیادہ سے زیادہ 10بجے رات تک واپس لئے جا سکیں گے۔ امیدواروں کی حتمی فہرست 31 دسمبر کو رات 11 بجے آویزاں کی جائے گی اورپولنگ 5جنوری کو صبح دس بجے سے لے کر رات آٹھ بجے تک ہوگی۔صدر، نائب صدر، سیکرٹری، جائنٹ سیکرٹری اور فنانس سیکرٹری کے پوسٹوں کے لئے نامزدگی کی فیس فی کاغذ نامزدگی 2000 روپے ناقابل واپسی ہوگی جب کہ گورننگ باڈی کے فی کاغذ نامزدگی 1000روپے ناقابل واپسی فیس جمع کروانا ہوگی۔کاغذات نامزدگی نیشنل پریس کلب اسلام آباد کے دفترسے حاصل کئے جا سکتے ہیں۔