وزیر داخلہ چوہدری نثار علی خان نے ایف آئی اے اور آئی سی ٹی پولیس کے افسران اور اہلکاروں کی شاندار کارکردگی پر انہیں نقد انعامات اور تعریفی اسناد دیں
ڈائریکٹر ایف آئی اے لاہور ڈاکٹر عثمان انور اور ایس پی انوسٹی گیشن آئی سی ٹی پولیس کیپٹن (ر) الیاس 2016ء کے بہترین افسران قرار ایوارڈز درحقیقت عوام کی خدمت کیلئے علامتی اظہار ہے، اپنے ساتھیوں کو بھی اپنی کارکردگی بہتر بنانے اور ایسے اعزازات حاصل کرنے کیلئے ترغیب دیں آئی سی ٹی پولیس اور قانون نافذ کرنے والے ادارے کومبنگ آپریشنز میں زیادہ تعاون اور بہتری کو یقینی بنائیں، وفاقی دارالحکومت کی بڑی شاہراہوں اور سڑکوں پر ٹریفک ہجوم پر قابو کیلئے 24 گھنٹے کے اندر ایک جامع سٹرٹیجی تیار کی جائے، وزیر داخلہ چوہدری نثار علی خان کی ہدایت
جمعرات 22 دسمبر 2016 20:03
(جاری ہے)
آئی سی ٹی پولیس کے افسران اور اہلکاروں میں ایس پی کیپٹن (ر) الیاس، ایس آئی عبدالرزاق، اے ایس آئی توصیف احمد، اے ایس آئی سلیم رضا، اے ایس آئی محمد اشرف اور کانسٹیبل یاسر محمود شامل ہیں۔
بہترین افسران کو 3 لاکھ روپے کا نقد انعام جبکہ دیگر بہترین افسران کو ایک لاکھ روپے کا انعام اور تعریفی سرٹیفکیٹ دیا گیا۔ افسران سے بات چیت کرتے ہوئے وزیر داخلہ نے ان کی کارکردگی کو سراہا اور کہا کہ یہ ایوارڈز درحقیقت عوام کی خدمت کیلئے ان سے ایک علامتی اظہار ہے۔ انہوں نے کہا کہ ان ایوارڈز سے ان کی مزید حوصلہ افزائی ہو گی اور وہ اپنے ساتھیوں کو بھی اپنی کارکردگی بہتر بنانے اور ایسے اعزازات حاصل کرنے کیلئے ترغیب دینگے۔ قبل ازیں ایک اعلیٰ سطحی اجلاس کی صدارت کرتے ہوئے وزیر داخلہ نے آئی سی ٹی پولیس اور قانون نافذ کرنے والے اداروں کو ہدایت کی کہ وہ کومبنگ آپریشنز میں زیادہ تعاون اور بہتری کو یقینی بنائیں۔ انہوں نے ہدایت کی کہ عدالتوں میں مناسب استغاثہ کے ساتھ مجرموں کی گرفتاریاں کی جائیں۔ وفاقی دارالحکومت کی بڑی شاہراہوں اور سڑکوں پر ٹریفک ہجوم کے متعلق انہوں نے اسلام آباد ٹریفک پولیس کو 24 گھنٹے کے اندر ایک جامع سٹرٹیجی تیار کرنے کی ہدایت کی تاکہ دفتری اور سکول اوقات کے دوران ٹریفک ہجوم کے مسئلے کو حل کیا جا سکے۔ انہوں نے اسلام آباد ٹریفک پولیس کو مزید ہدایت کی کہ وہ عوام میں ٹریفک قوانین کی آگاہی کیلئے مہم شروع کریں۔ ایف آئی اے کے حکام نے وزیر داخلہ کو اشتہاری ملزموں کیخلاف ملک گیر مہم کے متعلق آگاہ کیا۔ ایف آئی اے نے مختلف مقدمات میں اب تک 500 سے زائد اشتہاری مجرموں کو گرفتار کیا ہے جبکہ دیگر اشتہاری مجرموں کی گرفتاری کیلئے کوششیں جاری ہیں۔ انہیں بتایا گیاکہ 1139 پاسپورٹ بلیک لسٹ کئے گئے ہیں جبکہ اشتہاری ملزمان کے 872 کمپیوٹرائزڈ قومی شناختی کارڈ بھی بلاک کئے گئے ہیں۔ انہیں بتایا گیا کہ ایف آئی اے، آئی سی ٹی پولیس، نادرا اور دیگر متعلقہ ادارے اشتہاری ملزمان کی جلد گرفتاری کو یقینی بنانے کیلئے ان کے مکمل ڈیٹا کیلئے قریبی طور کام کر رہے ہیں۔ ڈائریکٹر ایف آئی اے اسلام آباد نے بتایا کہ وزیر داخلہ کی ہدایات کے تحت انسانی سمگلروں اور غیر قانونی ٹریولنگ ایجنٹوں کیخلاف مہم شروع کی گئی جس کے نتیجے میں بڑی کامیابیاں حاصل ہوئیں اور 2016ء کے دوران جعلی دستاویزات کی بناء پر بیرون ملک سے کسی شخص کو ڈیپورٹ نہیں کیا گیا۔ وزیر داخلہ نے انسانی سمگلروں اور غیر قانونی ٹریول ایجنٹ مافیا کیخلاف ایف آئی اے کی کوششوں کی تعریف کی اور کہا کہ غیر قانونی ایجنٹ مافیا نہ صرف معصوم اور غریب لوگوں کا استحصال کر رہا ہے بلکہ ملک کے تشخص کو بھی نقصان پہنچا رہا ہے۔ انہوں نے ایف آئی اے کو ہدایت کی کہ وہ اسی جذبہ سے اپنی مہم جاری رکھے۔ آئی سی ٹی پولیس نے وفاقی دارالحکومت میں امن و امان کی صورتحال سے متعلق ایک تفصیلی پریزنٹیشن اور جامع تجزیہ پیش کیا۔ وزیر داخلہ نے کہا کہ اگرچہ جرائم کی شرح میں بڑی کمی آئی ہے تاہم وفاقی دارالحکومت کو جرائم سے مکمل طور پر پاک کرنے کیلئے ابھی بہت کچھ کرنے کی ضرورت ہے۔متعلقہ عنوان :
مزید اہم خبریں
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش
-
اسلام آباد ہائیکورٹ کا بشریٰ بی بی کے پرائیویٹ لیب سے طبی معائنے کا حکم
-
پاکستان سٹاک ایکسچینج میں نئے ریکارڈز، تاریخ میں انڈیکس پہلی بار 72 ہزار کی نفسیاتی حد عبور کر گیا
-
حکومت کا چینی کی ذخیرہ اندوزی اور سمگلنگ کیخلاف کریک ڈاؤن کا فیصلہ
-
پاکستان ایران نئے معاہدوں پر پیشرفت ہوئی تو پابندیاں لگ سکتی ہیں، امریکہ کی وارننگ
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.