تحریک انصاف کے چیئرمین عمران خان 25 دسمبر کو صوابی میں جلسہ سے خطاب کرینگے

جمعرات 22 دسمبر 2016 14:05

صوابی /سلام آباد(اُردو پوائنٹ اخبارتازہ ترین - آئی این پی۔ 22 دسمبر2016ء) چیئرمین تحریک انصاف عمران خان نے 25 دسمبر کو صوابی میں جلسہ کرنے اور عوام کواس میں شرکت کی دعوت دے دی اور کہاہے کہ وہ اس جلسے میں اقتصادی راہدای (سی پیک) اور پاناما پیپرز پر بات کریں گے۔

(جاری ہے)

اپنے ایک ویڈیو بیان میں چیئرمین تحریک انصاف عمران خان کا کہنا تھا کہ 25 دسمبر کو دوپہر 2 بجے صوابی میں بڑا جلسہ کرنے آرہا ہوں، اس جلسے میں دو باتیں ہوں گی، ایک تو ہم سی پیک ہم اس منصوبے پر اپنے تحفظات بتائیں گے اور اس کیلئے تجاویز دیں گے کہ کیسے ایک منصفانہ طریقے سے سی پیک کا فائدہ تمام صوبوں کو دیا جاسکتا ہے۔

انہوں نے کہا کہ صوابی کے جلسے میں دوسری بات پاناما پیپرز پر ہوگی۔ ہم یہ بتائیں گے کہ پاکستان کیلئے کیوں یہ فیصلہ کن وقت ہی ہم نے فیصلہ کرنا ہے کہ ہمیں کس قسم کا پاکستان چاہیے ہمیں فیصلہ کرنا ہے کہ یا تو اس ملک میں چور اور ڈاکو آتے رہیں اور پیسہ باہر بھیجتے رہیں یا پھر ہم اسے قائد اعظم کا پاکستان بنا لیں۔