خانیوال: پیسوں کے لا لچ میں باپ نے اپنا ہی بیٹا اغوا کرلیا

ملزم نے ڈیڑھ لاکھ روپے تاوان حاصل کر کے بچہ ورثا کے حوالے کر دیا

جمعرات 22 دسمبر 2016 11:43

خانیوال(اُردو پوائنٹ اخبارتازہ ترین - آن لائن۔ 22 دسمبر2016ء) پیسوں کے لالچ نے خون کے رشتوں کا احساس بھی بھلا دیا،خانیوال میںسگے باپ نے ساتھیوں کے ساتھ مل کر اپنے ہی 5 سال کے بیٹے کو اغوا کر لیا۔

(جاری ہے)

ڈی پی او خانیوال جہانزیب نذیر کے مطابق کبیر والا میں عبد المجید نامی شخص نے اپنے والد سے رقم حاصل کر نے کے لیے اپنے 5سالہ بیٹے صائم علی کو اپنے ساتھیوں کے ہمراہ اغواکیا اور تاوان طلب کیا۔ملزم نے ڈیڑھ لاکھ روپے تاوان حاصل کر کے بچہ ورثا کے حوالے کر دیا۔پولیس نے تفتیش کی تو ملزم عبد المجید کے ملوث ہونے کا انکشاف ہوا، پولیس نے ڈیڑھ لاکھ روپے تاوان کی رقم برآمد کر کے ملزم کو گرفتار کر لیاہے۔