عربی زبان کی ترویج و اشاعت اور فروغ کیلئے ہر سطح پر جدوجہد کی جائے گی‘طاہر محمو داشرفی
عربی زبان کے فروغ سے دہشت گردی ،انتہاپسندی کے خاتمے میں مدد ملے گی، مسلم امہ کے اتحاد و یکجہتی کیلئے عربی زبان مرکزی کرداراداکرسکتی ہے‘چیئرمین پاکستان علماء کونسل کا کانفرنس سے خطاب
اتوار 18 دسمبر 2016 18:40
(جاری ہے)
کانفرنس سے خطاب کرتے ہوئے پاکستان علماء کونسل کے مرکزی چیئرمین حافظ محمد طاہر محمود اشرفی نے کہا کہ آئین پاکستان کے مطابق عربی زبان کو تعلیم میں لازمی قرار دینا چاہئے۔
پاکستان میں اسلام کے نام پر ابھر نے والے فتنوںکا شکار نوجوان اسلئے ہوئے ہیں کہ قرآن وسنت کو سمجھنے کیلئے ان کو عربی زبان نہیں سکھائی گئی۔ انہوں نے کہا کہ پاکستان علماء کونسل نے فیصلہ کیا ہے کہ ملک بھر میں عمرہ وحج پر جانے والے زائرین کیلئے بھی پندرہ روزہ کورسز کا اہتمام کیا جائے گا۔ انہوں نے کہا کہ آج حلب ،کشمیر اور فلسطین میں ظلم کی انتہاہوگئی ہے ۔مسلم امہ کی اس پر خاموشی قابل مذمت ہے ۔انہوں نے کہا کہ حلب اور شام کے بعد یمن اور بحرین میں مداخلت کی باتیں مسلم امہ کیلئے لمحہ فکریہ ہیں ۔ پاکستان ،سعودی عرب ،قطر اور ترکی کو فوری طور پر عالم اسلام اور خصوصا حلب کی صورتحال پر متفقہ لائحہ عمل اپنانا چاہئے۔ کانفرنس سے خطاب کرتے ہوئے پاکستان میں فلسطین کے سفیر ولید ابو علی نے کہا کہ پاکستانی اور فلطین کی عوام کا روح اور ایمان کا رشتہ ہے ۔فلسطینیوں پر ہونے والے مظالم پر عالمی انسانی حقوق کے اداروں کی خاموشی مجرمانہ ہے۔ انہوں نے کہا کہ شام،عراق،یمن،لیبیاء میں جو مظالم ہورہے ہیں ان کا واحد مقصد مسلم امہ کے اتحاد کو کمزور کرنا ہے اور اسرائیل کو مضبوط کرنا ہے ۔پاکستان میں مصر کے سفیرمحمد کمال الدین شاہین نے خطاب کرتے ہوئے کہا کہ جامعة الازہر عربی زبان کے فروغ اور مسلم امہ کے اتحاد کیلئے اپنا کردار اداکرتی رہے گی۔ عربی زبان قرآن کریم کی زبان ہے جس کو ایک ارب ستر کروڑ انسان پڑھتے ہیں۔پاکستانی طلباء اور نوجوان نسل کو انتہاپسندی ،دہشت گردی سے آگاہی کیلئے ہر سطح پر تعاون کرے گا۔شیخ الازہر کے حکم پر پاکستان علماء کونسل کے ساتھ مل کر اسلامک سینٹر قائم کیا جائے گا ۔آئمہ ،خطباء اور اساتذہ کیلئے تربیتی پروگراموں کا اہتمام بھی کیا جائے گا۔کانفرنس میں ایک قرار داد میں سعودی عرب،قطر،ترکی اور دیگر عرب ممالک سے شام کے مظلوم مہاجرین کی ہر ممکن امداد کی اپیل کی گئی ۔کانفرنس میں ایک اور قرار داد کے زریعے طیارہ حادثہ میں شہید ہونے والے جنید جمشید اور دیگر مسلم شہیداء کے لواحقین کے ساتھ اظہار یکجہتی کیا گیا اور خصوصی دعا کی گئی۔پاکستان علماء کونسل کے مرکزی سیکرٹری جنرل صاحبزادہ زاہد محمود قاسمی نے کہا کہ عربی زبان کا فروغ پاکستان علماء کونسل کے منشور و دستور کا حصہ ہے ۔ مدارس عربیہ ، سکولز اور کالجز کے طلباء کیلئے عربی زبان کی تعلیم کو لازم قرار دیا جائے اور جس طرح حکومت ترکی ،چینی زبان کے فروغ کیلئے محنت کررہی ہے اسی طرح عربی زبان کے فروغ کیلئے کوششیں کی جائیں ۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.