ملتان،خاتون کی گھر سے لاش برآمد، اہلخانہ کا سسرالیوں پر قتل کا الزام

اتوار 18 دسمبر 2016 11:30

ملتان (اُردو پوائنٹ اخبارتازہ ترین - آئی این پی۔ 18 دسمبر2016ء) ملتان میں شاہ شمس کے علاقے میں تیس سالہ خاتون گھر میں مردہ حالت میں پائی گئی۔ اہلخانہ کا کہنا ہے کہ خاتون کو سسرالیوں نے زہر دیکر مارا ۔تیس سالہ شاہ شمس کی رہائشی مدیحہ اپنے گھر میں مردہ حالت میں پائی گئی تھی۔ تمام اہلخانہ گھر سے باہر کسی کام گئے ہوئے تھے۔ جب وہ واپس آئے تو مدیحہ مردہ حالت میں زمین پر پڑی تھی۔

(جاری ہے)

اہلخانہ کا کہنا ہے کہ مدیحہ کا سسرالیوں سے کئی روز سے جھگڑا چل رہا تھا اور آئے روز وہ اس پر تشدد بھی کرتے تھے جس پر اپنے والد کے گھر آگئی تھی۔ مدیحہ کے والد نے الزام لگایا کہ اس کے سسرالیوں نے اسے زہر دیکر مارا ہے۔ اطلاع ملنے پر پولیس تھانہ شاہ شمس نے موقع پر پہنچ کر اہلخانہ کے بیانات قلمبند کرلیے۔ لاش کو نشتر اسپتال کے سرد خانے منتقل کرکے قانونی کارروائی شروع کردی گئی ۔