امریکی صدارتی انتخاب میں ووٹنگ مشینوں کی دیکھ بھال کرنے والی کمپنی ہیک ہوگئی تھی، حکام کا انکشاف
ہلیری کلنٹن نے اپنی شکست کا ذمہ دار ایف بی آئی ڈائریکٹر جیمز کومے اور روسی ہیکرز کو ٹھہرا دیا
ہفتہ 17 دسمبر 2016 13:21
واشنگٹن (اُردو پوائنٹ اخبارتازہ ترین - آئی این پی۔ 17 دسمبر2016ء) امریکی صدارتی انتخاب کے ووٹنگ مشینوں کی دیکھ بھال کرنے والی کمپنی خود ہیک ہوگئی جبکہ ہلیری کلنٹن کا کہناہے کہ صدارتی انتخاب میں ان کی شکست کے ذمہ دار ایف بی آئی ڈائریکٹر جیمز کومے اور روسی ہیکرز ہیں۔غیر ملکی میڈیاکے مطابق امریکی سیکورٹی کمپنی کے حکام نے بتایا کہ آٹھ نومبر کے صدارتی انتخاب کے بعد روسی ہیکرز صدارتی ووٹنگ مشینوں کی دیکھ بھال کرنے والی کمپنی کے کمپوٹرز میں داخل ہوئے۔
اور الیکشن سے متعلق معلومات چرانے کی کوشش کی۔خفیہ ایجنسی کے اہلکاروں نے خود کو معلومات خریدنے والا ظاہر کیا اور روسی زبان بولنے والے ہیکرز سے پوچھا کہ وہ کیا چاہتے ہیں۔ہیکرز نے کہاکہ وہ امریکی الیکشن کمیشن تک رسائی چاہتے ہیں۔(جاری ہے)
ایجنٹوں نے مشینوں کی دیکھ بھال کرنیوالی کمپنی کے پاسورڈز اور دیگر معلومات فراہم کرنے کی پیشکش کی تو روسی ہیکرز نے کہاکہ یہ معلومات وہ پہلے سے حاصل کرچکے ہیں۔
ادھر صدارتی انتخابات کی شکست خوردہ ہلیری کلنٹن نے نیویارک میں ایک تقریب سے خطاب میں کہاکہ ایف بی آئی ڈائریکٹر جیمز کومے نے صدارتی انتخاب سے پہلے ای میلز سرور سے متعلق لکھ کر بہت نقصان پہنچایا جبکہ روسی ہیکرز نے ہیکنگ کے ذریعے ٹرمپ کو فائدہ پہنچایا۔ ہیلیری کلنٹن کا کہنا تھا کہ 5 سال قبل 2011 میں بطور وزیرخارجہ انہوں نے روسی پارلیمانی انتخابات میں دھاندلی کا ذکر کیا تھا اور اسی ذاتی خلش کو دل میں رکھے ہوئے روسی صدر ولاد میرپیوٹن نے ہمارے انتخابی عمل اور ہماری جمہوریت کے خلاف خفیہ سائبر حملوں کی ہدایت کی۔ہیلیری کلنٹن کا کہنا تھا کہ صدر پیوٹن نے اس وقت بھی عوام کو اشتعال دلانے کیلئے مجھے مجرم ٹھہرایا تھا اور امریکی انتخابات میں جو کچھ بھی انہوں نے کیا اس کے درمیان براہ راست تعلق ہے۔ ان کا کہنا تھا کہ ولاد میر کا یہ حملہ صرف میرا ذاتی مسئلہ نہیں بلکہ یہ ہمارے ملک کے خلاف سازش، جمہوریت کی سالمیت اور ہمارے ملک کی حفاظت کا معاملہ ہے اس معاملے کی آزادانہ تحقیقات کی جانی چاہیئں۔مزید بین الاقوامی خبریں
-
سڈنی، چاقوحملے میں جاں بحق پاکستانی گارڈ کی نمازجنازہ
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
-
اسرائیلی بمباری میں ننھا بچہ زخمی، چہرے پر 200 ٹانکے لگے
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
فلسطینیوں پرمظالم پر امریکی جامعات میں احتجاج شدت اختیارکرگیا
-
سعودی عرب، بس ڈرائیوروں کیلئے یونیفارم کی شرط لازمی کردی گئی
-
برطانیہ،دکانوں میں چوری کے واقعات 20 برس کی بلند ترین سطح پر
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.