دہشت گردوں کے ناپاک اعزائم کو خاک میں ملا کر سندھ رینجرز نے حیدر آباد شہر کو بڑی تباہی سے بچالیا ہے،میئر سید طیب حسین

جمعہ 16 دسمبر 2016 19:45

حیدرآباد(اُردو پوائنٹ اخبارتازہ ترین - آن لائن۔ 16 دسمبر2016ء) میئر حیدرآباد سید طیب حسین نے کہاکہ دہشت گردوں کے ناپاک اعزائم کو خاک میں ملا کر سندھ رینجرز نے حیدر آباد شہر کو بڑی تباہی سے بچالیا ہے۔ان خیالات کا اظہار انہوں نے لطیف آباد نمبر 11امانی شاہ کالونی قبر ستان کے قریب رینجرز کی جانب سے دہشت گردی کے واقعہ کو ناکام بنانے اور خود کش حملہ آورکو ہلاک کرنے کی مقام اور علاقے میں واقع امام بارہ گا ہ کا دورہ کرتے ہوئے کیا ۔

(جاری ہے)

اس موقع پر میونسپل کمشنر شاہد علی خان ، انفارمیشن آفیسر محمد نعیم خان ،چیر مین یوسی 80،محمد سلیم ،چیرمین 59 ملک علاوئالدین اور بلدیہ اعلی حیدرآباد کے دیگر افسران بھی انکے ہمراہ تھے ۔میئر حیدرآباد سید طیب حسین کہاکہ دہشت گردوں کے ناپاک اعزائم کو خاک میں ملا کر سندھ رینجرز نے حیدر آباد شہر کو بڑی تباہی سے بچالیا ہے ،انہوں نے کہاکہ دہشت گرد عناصر حیدرآباد شہر کے پر امن ماحول کو خراب کرنے کی سازش کررہے ہیں لیکن ہمارے سیکورٹی ادار ے انکی راہ میں سیسہ پلائی دیوار کی مانند کھڑے ہیں ۔انہوں نے کہاکہ سندھ رینجرز کی کاروائی قابل ستائش ہے اور حیدرآباد کی عوام انکی مشکور ہے کہ انہوں نے حیدرآباد شہر کو لہولہان ہونے سے محفوظ رکھا ۔