شہباز شریف ٹی 20- کرکٹ کپ کا باضابطہ آغاز پرسوں اتوار کو ہوگا

راولپنڈی کی 25 یونین کونسلوں کے باصلاحیت کھلاڑی ایکشن میں دکھائی دیں گے

جمعہ 16 دسمبر 2016 12:17

ْاسلام آباد (اُردو پوائنٹ اخبارتازہ ترین - این این آئی۔ 16 دسمبر2016ء) شہباز شریف ٹی 20- کرکٹ کپ کا باضابطہ آغاز اتوار کو ہوگا، جس میں راولپنڈی کی 25 یونین کونسلوں کے باصلاحیت کھلاڑی ایکشن میں دکھائی دیں گے، جن کو چار گروپوں میں تقسیم کیا گیا ہے ٹورنامنٹ کا فائنل 7 جنوری کو کھیلا جائے گا، تفصیلات کے مطابق 18 دسمبر سے 7 دسمبر تک جاری رہنے والے رنگا رنگ ایونٹ کے کامیاب انعقاد کے لئے تمام انتظامات کو حتمی شکل دے دی گئی ، جس کا افتتاح چیئرمین میٹروبس پراجیکٹ حنیف عباسی کریں گے جبکہ سابق ٹیسٹ کرکٹرز شرفراز نواز، محمد وسیم، شعیب اختر، راشد لطیف سمیت دیگر شخصیات بھی افتتاحی تقریب میں شرکت کریں گی،ٹورنامنٹ کے کامیاب انعقاد کے لئے حنیف عباسی کی سربراہی میں آرگنائزنگ کمیٹی بھی تشکیل دی گئی ہے جس میں محمد وسیم، مسعود انور، بابر شاہ، سنوبر گل اور توقیر شاہ سمیت دیگر شامل ہیں-