قومی ویمن کبڈی چیمپئن شپ میں پاکستان واپڈا، پنجاب، اسلام آباد کی ٹیموں کی کامیابی

بدھ 14 دسمبر 2016 22:11

اسلام آباد ۔ (اُردو پوائنٹ اخبارتازہ ترین - اے پی پی۔ 14 دسمبر2016ء) پاکستان کبڈی فیڈریشن کے زیراہتمام قومی ویمن کبڈی چیمپئن شپ کے افتتاحی روز پاکستان واپڈا، پنجاب، اسلام آباد کی ٹیموں نے اپنے، اپنے میچز جیت لئے،واپڈا سپورٹس کمپلیکس، لاہور میں کھیلے گئے چیمپئن شپ کے پہلے میچ میں پاکستان واپڈا نے خیبرپختونخوا کو 36-5 پوائٹنس سے، دوسرے میچ میںپنجاب نے گلگت بلتستان کو 66-19 پوائنٹس سے اور تیسرے میچ میں اسلام آباد نے سندھ کو 42-20 پوائنٹس سے ہرا دیا،(آج) جمعرات کو پاکستان آرمی کا مقابلہ اسلام آباد سے جبکہ پاکستان واپڈا کا مقابلہ پنجاب سے ہوگا، ٹورنامنٹ کا فائنل (کل) جمعہ کو کھیلا جائے گا۔