منہاج القرآن کے زیر اہتمام شادیوں کی اجتماعی تقریب کی جھلکیاں

لاہور(اُردو پوائنٹ اخبارتازہ ترین - این این آئی۔ 14 دسمبر2016ء) منہاج ویلفیئر کے زیر اہتمام شادیوں کی 104 ویں اجتماعی تقریب*لاہور میں منعقدہ تقریب میں 25 مسلم و غیر مسلم جوڑے رشتہ ازدواج میں منسلک ہوئے۔*منہاج علماء کونسل کے سکالرز نے علامہ فرحت حسین شاہ کی قیادت میں نکاح پڑھانے کا فریضہ انجام دیا۔*مسیحی جوڑوں کی شادی ان کے مذہبی رسم و رواج کے مطابق فادر جیمز چنن کی نگرانی میں انجام پائی۔

*انتہائی غریب اور مستحق جوڑوں کا انتخاب منہاج ویلفیئر کی سلیکشن کمیٹی نے کیا ۔*دولہوں اور دلہنوں کا تعلق ڈیرہ اسماعیل خان، لکی مروت، چنیوٹ، وہاڑی، سرگودھا، بہاولنگر، میاں چنوں، مظفر گڑھ، پاک پتن ،حافظ آباد، ٹوبہ ٹیک سنگھ سے تھا۔*دولہوں اور دلہنوں کو ضروریات زندگی کا 2لاکھ روپے مالیت کا سامان دیا گیا۔

(جاری ہے)

*تمام دولہے اپنے عزیز و اقارب کے ہمراہ ڈھول کی تھاپ میں تقریب میں شریک ہوئے۔

*دلہنوں کو منہاج ویمن لیگ کی عہدیداروں نے مرکزی سیکرٹریٹ میں تیار کیا ۔*ہر دلہن اور دولہا کے ہمراہ ان کے 50 عزیز و اقارب بطور باراتی تقریب میں شریک ہوئے۔*مسیحی جوڑے کی طرف سے ایک دوسرے کو شادی کی انگوٹھی پہنانے کی رسم پر شرکاء انتہائی محظوظ ہوئے۔*منہاج ویلفیئر کی طرف سے 12 سو 50 باراتیوں کا کھانا تیار کیا گیا۔کھانے میں چکن قورمہ اور بریانی شامل تھی۔

*اجتماعی شادیوں کی تقریب کا اہتمام منہاج القرآن سیکرٹریٹ کے بالمقابل پارک میں ہوا۔*شاندار انتظامات اور بے مثال انسانی خدمت انجام دینے پر سربراہ عوامی تحریک ڈاکٹر طاہر القادری نے مبارکباد دی۔*عیسائی جوڑوں کی شادی میں شرکت پر ڈاکٹر طاہر القادری نے کہا مجھے فخر ہے میرے تربیت یافتہ کارکن کسی ملا کے فتویٰ سے خوفزدہ نہیں۔*غریب بچیوں کے والدین نے جملہ اخراجات اٹھانے پر ڈاکٹر طاہر القادری کو ڈھیروں دعائیں دیں۔

*شادی میں شریک جامعہ الازہر مصر کے وائس چانسلر ڈاکٹر محمد احمد ہاشم انتہائی محظوظ ہوتے رہے۔*ابرار الحق نے نعتیہ کلام پیش کر کے شرکاء کے دل جیت لیے۔*تحریک انصاف کی ایم پی اے سعدیہ سہیل بھی تقریب میں خصوصی طور پر شریک ہوئیں۔*ہر دولہن کو پونے دو لاکھ روپے مالیت کا موقع پر جہیز بھی دیا گیا جو ان کے عزیز و اقارب ہمراہ لے کر گئے۔*تقریب میں منہاج القرآن کے عہدیدار برطانیہ ،فرانس ،جرمنی ،ڈنمارک سے تقریب میں شرکت کیلئے خصوصی طور پر آئے۔