وزیر کوآپریٹو سوسائٹی سندھ کے دفتر میں مقدمات کی سماعت، 6 پر فیصلہ محفوظ کر لیا گیا

بدھ 14 دسمبر 2016 19:09

کراچی (اُردو پوائنٹ اخبارتازہ ترین - این این آئی۔ 14 دسمبر2016ء) صوبائی وزیر کوآپریٹو سوسائٹی جام اکرام اللہ دھاریجو نے اپنے دفتر میں 2005 سے لیکر 2010 تک کوآپریٹو سوسائٹیز کے داخل مقدمات کی سماعت کی۔

(جاری ہے)

سماعت کے دوران حیدرآباد کوآپریٹو سوسائٹی، کلاچی،ایکس سروس مین،شادآباد،لکھنو،دارالسلام اور آرکیٹیکٹ و انجینئرنگ کوآپریٹو سوسائٹیز کے فریقین اپنے وکلا کے ساتھ پیش ہوئے،سماعت کے دوران فریقین نے دلائل اور تحریری جوابات جمع کروائے،اس موقع پر 12 مقدمات میں سے 6 پر فیصلہ محفوظ کر لیا گیا جو آئندہ سماعت پر سنایا جائیگا۔صوبائی وزیر نے فریقین کے وکلا کو تنبیہ کی کہ وہ تاخیری حربے استعمال کرنے سے گریز کریں تاکہ مقدمات جلد سے جلد نمٹائے جائیں۔