ْ پی ٹی آئی پیپلز پارٹی کے 27 دسمبر کے ممکنہ لانگ مارچ میں شریک نہیں ہوگی ،ْ علی محمد خان

قوم عمران خان کو اٴْن سیاسی جماعتوں سے دور دیکھنا چاہتی ہے جنہوں نے پاکستان کو ہمیشہ لوٹا ہے جس طرح سے بلاول بھٹو سیاست کرنا چاہتے ہیں بے نظیر بھٹو زندہ ہوتی تو ایسا کسی صورت نہ کرنے دیتیں ،ْانٹرویو

بدھ 14 دسمبر 2016 13:34

اسلام آباد(اُردو پوائنٹ اخبارتازہ ترین - این این آئی۔ 14 دسمبر2016ء) پاکستان تحریک انصاف کے سینئر رہنما علی محمد خان نے کہا ہے کہ ان کی جماعت پاکستان پیپلز پارٹی (پی پی پی) کے 27 دسمبر کے ممکنہ لانگ مارچ میں شریک نہیں ہوگی۔ایک انٹرویو میں انہوںنے کہاکہ پوری قوم چیئرمین پی ٹی آئی عمران خان کو اٴْن سیاسی جماعتوں سے دور دیکھنا چاہتی ہے جنہوں نے پاکستان کو ہمیشہ لوٹا ہے۔

(جاری ہے)

انھوں نے کہا کہ اگرچہ پیپلز پارٹی کے چیئرمین بلاول بھٹو زرداری کا سیاست میں متحرک ہونا خوش آئند بات ہے لیکن انہیں چاہیے کہ وہ اپنے والد آصف علی زرداری کی پالیسی اور نظریات سے باہر نکل کر کام کریں ،ْجس طرح سے بلاول بھٹو سیاست کرنا چاہتے ہیں شاید بے نظیر بھٹو اگر زندہ ہوتی تو وہ انہیں ایسا کسی صورت نہ کرنے دیتیں۔علی محمد خان نے کہاکہ آصف زرداری کی ہی وجہ سے پیپلز پارٹی اس مقام پر پہنچی اور ملک کو بھی نقصانات کا سامنا کرنا پڑا۔پی ٹی آئی رہنما کے مطابق جب تک آصف زرداری الگ نہیں ہوں گے اس وقت تک پیپلز پارٹی کے ساتھ اتحاد کا سوال ہی پیدا نہیں ہوتا۔