جھوٹ بولنا اور یو ٹرن لینا عمران خان کی سیاسی شناخت بن چکا ہے،جھوٹے الزامات اور گندی سیاست کی بدولت وہ اپنی سیاسی ساکھ کھو چکے،سڑکوں پر احتجاجی سیاست ختم کرنے کا فیصلہ عمران کی مجبوری ہے،سینیٹر مشاہد اللہ خان

منگل 13 دسمبر 2016 23:29

اسلام آباد ۔ (اُردو پوائنٹ اخبارتازہ ترین - اے پی پی۔ 13 دسمبر2016ء) مسلم لیگ (ن) کے رہنما سینیٹر مشاہد اللہ خان نے پی ٹی آئی کے سربراہ عمران خان کی جانب سے پارلیمنٹ کا بائیکاٹ ختم کرنے کے فیصلے کو خوش آئند قرار دیتے ہوئے کہا ہے کہ عمران خان اور ان کی جماعت انتخابی، سیاسی، احتجاجی اور عدالتی محاذوں پر مکمل طور پر پسپا اور ناکام ہو چکی ہے۔

(جاری ہے)

منگل کو جاری بیان میں انہوں نے کہا کہ پارلیمنٹ ہی سب سے بڑا جمہوری اور فیصلہ ساز ادارہ ہے۔ انہوں نے کہا کہ وزیراعظم محمد نوازشریف پر جھوٹ بولنے کا الزام لگانے والے عمران خان ذرا اپنے گریبان میں جھانکیں۔ جھوٹ بولنا اور یو ٹرن لینا عمران خان کی سیاسی شناخت بن چکا ہے۔ وہ اپنے جھوٹے الزامات اور گندی سیاست کی بدولت اپنی سیاسی ساکھ کھو چکے ہیں۔ انہوں نے کہا کہ سڑکوں پر احتجاجی سیاست ختم کرنے کا فیصلہ عمران کی مجبوری بن چکا ہے۔ عوام نے ان کی یہ سیاست مسترد کر دی ہے۔

عمران خان سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں